Azərbaycanın iki boksçusu Tayfur Əliyev (56 kq) və Məhəmməd Abdullayev (91 kq-dan yuxarı) Rumıniyanın Tırqu-Jiu şəhərində keçirilən 22 yaşadək gənclər arasında Avropa çempionatında yarımfinala  çıxaraq ən azı bürünc medalları özlərinə təmin etmişlər.

Dörddəbir finalda Əliyev almaniyalı rəqibinə, Abdullayev Fransa təmsilçisinə qalib gəlmişlər. Bu gün keçiriləcək yarımfinal görüşlərində Tayfur İspaniya, Məhəmməd isə İtaliya boksçuları ilə döyüşəcəklər. Yarımfinalların qalibləri sabah finalda Avropa çempionu adı uğrunda mübarizə aparacaqlar.

“Xalq qəzeti”