Biz Azərbaycanın gənc boksçularının Vilnüsdə keçirilən beynəlxalq turnirdə 1 qızıl və 2 gümüş medal qazanmaları haqqında məlumat vermişik. Fəxri kürsünün zirvəsinə yüksəlmiş Nurlan Səfərovun (60 kq), ikinci mükafatçılar Nəbi İsgəndərov (56 kq) və Zaur Musayevin (81 kq) həmin uğurlarına komanda yoldaşları daha dörd medal əlavə etmişlər.

Litva paytaxtında növbəti yarış günlərində Maqsud  Xaşmətov (49 kq), Həsən İbrahimov (52 kq), Nicat Həsənov (69 kq) və Məhəmməd Yusifov (75 kq) öz çəki dərəcələrində üçüncü yeri tutub bürünc mükafatçılar olmuşlar.

Azərbaycan kollektivi komanda hesabında isə Rusiyadan sonra ikinci yeri tutmuşdur.

“Xalq qəzeti”