Azərbaycanın gənc boksçuları Litvanın paytaxtı Vilnüsdə keçirilmiş ənənəvi beynəlxalq turnirdə üç dəfə fəxri kürsüyə dəvət olunmuşlar. Yarışda on nəfərlə mübarizəyə qoşulan təmsilçilərimiz 1 qızıl və 2 gümüş medal qazanmışlar.

Nurlan Səfərov 60 kq çəki dərəcəsində bütün rəqiblərini məğlubiyyətə uğradaraq turnirin qalibi olmuşdur. Onun komanda yoldaşları Nəbi İsgəndərov (56 kq) və Zaur Musayev (81 kq) isə yalnız həlledici görüşdə uduzub ikinci yeri tutmuşlar. Hər üç final döyüşündə boksçularımız rusiyalı rəqiblərlə döyüşmüşlər.

“Xalq qəzeti”