Bu gün Berlində dünya şahmat tacına iddiaçıların turnirində sonuncudan əvvəlki, 13-cü turun görüşləri keçiriləcəkdir. Noyabrda Londonda tac uğrunda matçda hazırkı dünya çempionu norveçli Maqnus Karlsenin rəqibinin kim olacağı da ağır yarış məsafəsinin məhz son metrlərində müəyyənləşəcək.

On iki turdan sonra turnir cədvəlinə hərəyə 7 xalla Sergey Karyakin (Rusiya) və Fabiano Karuana (ABŞ) başçılıq edirlər. Üçüncü-beşinci yerləri bölüşdürən azərbaycanlı qrossmeyster Şəhriyar Məmmədyarov, rusiyalı Aleksandr Qrişuk və çinli Din Lijen 6,5 xal toplamışlar. Vladimir Kramnikin (Rusiya) 5,5, Uesli Sonun (ABŞ) 5, Levon Aronyanın (Ermənistan) 4 xalı var.

Bugünkü turda Məmmədyarov ağ fiqurlarla Qrişuka qarşı oynayacaq, həmçinin So–Karyakin, Karuana–Aronyan və Lijen–Kramnik görüşləri keçiriləcəkdir.

O. BAYRAMOV,
“Xalq qəzeti”