Azərbaycan güləşçiləri Bolqarıstan paytaxtında keçirilən “Dan Kolov–Nikola Petrov” beynəlxalq turnirində çıxışlarına inamla başlamışlar.

Təmsilçilərimiz arasında mübarizəyə birinci qoşulan yunan-Roma güləşçi ustası Rəsul Çunayev (72 kq) bütün rəqiblərinə, o cümlədən finalda Fransa güləşçisi Evrik Nikoqosyana qalib gələrək turnirin qızıl medalının sevincini yaşamışdır.

Qadınlardan ibarət milli komandamızın üzvü Elis Manolova da fəxri kürsüyə yüksəlməyi bacarmışdır.  O, üçüncü yer uğrunda görüşdə macarıstanlı Atela Hanzliçkovanı məğlubiyyətə uğratmış və 65 kq çəki dərəcəsində bürünc mükafatçı olmuşdur.

O. BAYRAMOV,
“Xalq qəzeti”