Gürcüstanın Batumi şəhərində keçirilən kişilər arasında şahmat üzrə Avropa çempionatının iştirakçıları 6-cı turun oyunları ilə yarış məsafəsinin birinci yarısını başa vuraraq bir günlük istirahətə çıxmışlar.

Azərbaycan təmsilçilərindən hələlik ən yaxşı nəticəni Qədir Hüseynov göstərmişdir–4,5 xal. Altıncı turda ispaniyalı Xayme Santos üzərində qələbədən sonra xal ehtiyatını 4-ə çatdırmış Rauf Məmmədov da liderlər qrupuna yaxınlaşmışdır.

Sabah keçiriləcək 7-ci tur ərəfəsində Hüseynov 5 xalla turnir cədvəlinə başçılıq edən Tamir Nabatidən (İsrail) yarım xal geri qalır. Liderlə Məmmədov arasındakı fərq isə bir xala bərabərdir.

“Xalq qəzeti”