Bu gün Berlində dünya şahmat tacına iddiaçıların turnirinin 10-cu turu çərçivəsində keçiriləcək Şəhriyar Məmmədyarov (Azərbaycan)–Fabiano Karuana (ABŞ) görüşü hər iki rəqib üçün mühüm əhəmiyyət kəsb edir və bütün şahmat aləminin diqqət mərkəzində olacaq.

Qrossmeysterlər turnir məsafəsinin arxada qalan hissəsində inamla çıxış etmişlər. Bugünkü oyun ərəfəsində 6 xalla liderlik edən Karuana ən yaxın izləyicisi Məmmədyarovdan yarım xal irəlidədir. Hazırda onların hər ikisi turnirin qalibi olmağa real namizəddir. Beynəlxalq şahmat dairələrində mütəxəssislər Məmmədyarovla Karuananın layiqli liderlər olduqlarını yekdilliklə qeyd edirlər.

Almaniya paytaxında turnirin birinci dövrəsində ağlarla Karuananın oynadığı görüş heç-heçə nəticələnmişdir. Bu dəfə isə ağ fiqurları döyüşə Məmmədyarov aparacaq.

“Xalq qəzeti”