Gürcüstanın Batumi şəhərində keçirilən Avropa çempionatında dörd turdan sonra Azərbaycan şahmatçıları arasında ən yaxşı nəticəni Qədir Hüseynov göstərmişdir–3 xal.

Liderdən bir, ikinci yerdən yarım xal geri qalan qrossmeysterimiz dörd görüşdən ikisində türkiyəli Dəniz Özənə və İsrail şahmatçısı Tal Barona qalib gəlmiş, daha ikisində isə Giorgi Boqaturov (Gürcüstan) və Aleksandr Belyavski (Sloveniya) ilə heç-heçə oynamışdır.

Digər şahmatçılarımızdan Eltac Səfərli, Nicat Abasov, Nail Bəşirli, Məhəmməd Muradlı və Elşad Abdullayev 2,5 xal toplamışlar.

On bir turdan ibarət çempionatda bu gün beşinci raundun görüşləri keçiriləcək. Hüseynov bu dəfə Boqdan-Daniel Deaca (Rumıniya) qarşı oynayacaq.

“Xalq qəzeti”