Şəmkirdə görkəmli azərbaycanlı qrossmeyster Vüqar Həşimovun xatirəsinə həsr ediləcək beynəlxalq turnirin sonuncu, onuncu iştirakçısı da məlum olmuşdur. Bu, Çexiya şahmatının lideri David Navaradır.

Turnirin mükafatları uğrunda onunla yanaşı, xəbər verdiyimiz kimi, hazırkı dünya çempionu Maqnus Karlsen (Norveç), keçmiş dünya çempionları Vladimir Kramnik (Rusiya), Veselin Topalov (Bolqarıstan), habelə Sergey Karyakin (Rusiya), Aniş Giri (Hollandiya), Din Lijen (Çin), azərbaycanlı qrossmeysterlər Şəhriyar Məmmədyarov, Teymur Rəcəbov və Rauf Məmmədov mübarizə aparacaqlar.

Turnir aprelin 18-də starta çıxıb, 28-də finişə çatacaq.

“Xalq qəzeti”