Hər il olduğu kimi bu il də Şəmkirdə imtiyazlı ailələrə bayram payları təqdim olunub. Rayon icra hakimiyyəti başçısının birinci müavini Qüdrət Əliyev çıxış edərək tədbirə toplaşanları Azərbaycan xalqının əsrlər boyu qoruyub yaşatdığı, mütərəqqi adət və ənənələri özündə yaşadan Novruz Bayramı münasibəti ilə təbrik edib, ehtiyacı olan hər bir vətəndaşa kömək göstərilməsinin əhəmiyyətini vurğulayıb.

Bayram ilə əlaqədar Şəmkir rayonunda şəhid, əlil, kimsəsiz və aztəminatlı ailələrə, tənhalara və yardıma daha çox ehtiyacı olan şəxslərə, bütövlükdə 1200-dən çox ailəyə bayram payları təqdim edilib.

Tədbirdə çıxış edən rayon sakinləri Novruz bayramı münasibəti ilə göstərilən yardımlara görə ölkə başçısı cənab İlham Əliyevə öz minnətdarlıqlarını bildiriblər.

Hamlet Qasımov,
“Xalq qəzeti”nin bölgə müxbiri