Bu barədə icra hakimiyyəti başçısı yanında Şuranın növbəti iclasında məsələ müzakirə olunmuş və konkret qərar qəbul edilmişdir. İcra hakimiyyətinin başçısı Məhərrəm Quliyevin sədrliyi ilə keçən iclasda rayonun baş memarı Sənan Mustafayev «Ağstafa şəhərində, qəsəbə və kəndlərdə əhalinin, idarə, müəssisə və təşkilatlarda çalışanların iməcilik keçirmək təşəbbüslərinin dəstəklənməsi, inzibati və sosial binaların ərazisində abadlıq işlərinin mütəmadi aparılması və yaşıllıqların mühafizəsi işinin təmin edilməsi» barədə məlumat vermişdir.

Qeyd edək ki, neçə vaxtdır hər həftə Ağstafa şəhərində, o cümlədən kənd və qəsəbələrdə iməciliklər keçirilir və əhali bu təşəbbüsə həvəslə qoşulur.

Hamlet Qasımov,
“Xalq qəzeti”nin bölgə müxbiri