Bu günlərdə Zəyəm-Cırdaxan kənd tam orta məktəbinin bir qrup şagirdi məktəbin ibtidai sinif müəllimi Lamiyə Məmmədovanın təşkilatçılığı ilə «N»saylı hərbi hissədə “Xocalı qan yaddaşımız” adlı tədbir keçirib.

Əvvəlcə, Xocalı soyqırımı zamanı qətlə yetirilmiş həmvətənlərimizin və Vətən uğrunda canlarından keçmiş şəhidlərimizin əziz xatirəsi yad edilmiş və faciə haqqında qısa məlumat verilmişdir.

Sonra şagirdlər Xocalı soyqırımından bəhs edən kompozisiyalar nümayiş etdirmişlər. Məktəblilər şeirin və musiqinin müşayəti ilə həmin günün ağrısını səhnəciklərlə çatdıra bilmiş, hamını vətən uğurunda hər zaman möhkəm olmağa səsləmişlər.

Tədbirin sonunda, «İgid əsgər, möhkəm dayan» mahnısı ilə məktəblilər hər zaman güclü Azərbaycan ordusu ilə birlikdə və bir yerdə olduqarını və Azərbaycan ordusunun elə günü bu gün işğal altında olan torpaqları düşməndən azad edə biləcək gücə qadir olduğunu diqqətə çatdırmışlar.

Hamlet Qasımov,
"Xalq qəzeti"nin bölgə müxbiri