Bu il yanvarın 1-dən Azərbaycana idxal edilən minik avtomobillərinə tətbiq edilən idxal gömrük rüsumunun artması ilk həftələrdə ölkənin avtomobil bazarında qiymətlərin qalxmasına səbəb olmuşdu. Bəs hazırda avtomobil bazarında vəziyyət necədir? Daha çox hansı ölkələrin avtomobillərinə üstünlük verilir?

Qiymətləndirici ekspertlərin media açıqlamasında qeyd edilir ki,  ilin əvvəlində müəyyən qiymət artımı baş versə də, son 15 gündə bazarda nisbi azalma müşahidə edilir. Bu da təbii ki, tələbin  təklifdən aşağı olması ilə əlaqədardır. Lakin azalma əvvəlki artımla müqayisədə aşağıdır. Avtomobil bazarlarında, əsasən, durğunluqdur.

Bildirilir ki, bazarda daha çox tələbat olan təzə avtomobillər üzrə ilk beşliyi Yaponiyanın “Toyota” və “Nisan”, Cənubi Koreyanın isə “Hyundai” və “KİA”markaları, eləcə də Rusiya istehsalı olan avtomobillər tutur. “İkinci əl” avtomobil bazarında isə Almaniyadan gətirilən “Mercedes” markalı avtomobillər digər rəqiblərini üstələyir.

R.TAHİR,
“Xalq qəzeti”