Azərbaycan Dövlət Aqrar Universitetinin Tələbə Gənclər Təşkilatının fəal tələbələri Xocalı faciəsinin 26-cı ildönümü ərəfəsində Gəncə şəhərinin küçə və meydanlarına çıxmış, adamların gur olan yerlərinə getmiş və sakinləri saxlayaraq “bağışlayın, on saniyə vaxtınızı alacağam” – deyərək onlara broşürlər paylamışlar.  “Xocalı qan yaddaşımızdır” adlandırılan bu aksiya şəhər sakinləri tərəfindən razılıqla qarşılanmışdır. Xocalı faciəsinə həsr olunmuş kitabçada o qanlı-qadalı günləri özündə əks etdirən, düşmənin vəhşiliklərini konkret faktlarla göstərən zəngin materiallar yer almışdır.

Aksiyanın əsas məqsədi erməni cəlladlarının 26 il qabaq törətdikləri cinayəti bir daha şəhər sakinlərinin yadına salmaq, onları, xüsusilə gəncləri unutqan olmamağa səsləmək, düşmənə nifrət hissini bir daha oyatmaqdan ibarət olub.

Hamlet QASIMOV,
“Xalq qəzeti”nin bölgə müxbiri