Qazax Rayon İcra Hakimiyyətində yaradılmış işçi qrupunun məktəblərdə apardığı monitorinq zamanı fərqlənən fəal müəlim və şagirdlərlə görüşü keçirilib.

Rayon İcra Hakimiyyətinin başçısı Rəcəb Babaşov tədbirdə çıxış edərək deyib ki, Qazax rayonu ölkəmizdə təhsilin beşiyi sayılır. Ona görə də bu sahə ən yüksək səviyyədə olmalı, daha çox inkişaf etdirilməlidir. Bunun üçün rayonda lazım olan bütün şərait vardır.

          Sonra monitorinqin nəticələri elan olunub. Şəhər 2 saylı, Çaylı kənd 2 saylı, Xanlıqlar kənd tam orta məktəblərinin bir sıra müəllim və şagirdi daha çox fərqlənib.       Rayon təhsil şöbəsinin müdiri Nizaməddin Babanlı, eləcə də çıxış edən müəllim və şagirdlər təhsil sahəsinə göstərdiyi diqqət və qayğıya görə rayon rəhbərliyinə öz dərin minnətdarlıqlarını bildiriblər.

          Fərqlənənlərin rayon icra hakimiyyətinin Fəxri fərmanları ilə təltif olunması qərara alınıb.

          Görüşdən sonra şagirdlər Fəxri Xiyabana gediblər.

                   Hamlet Qasımov,
“Xalq qəzeti”nin bölgə müxbiri