Gəncənin Nizami Rayon İcra Hakimiyyətinin başçısı Nizami Hacıyev Yeni Gəncə yaşayış massivindəki iki binanın qarşısında vətəndaşların səyyar qəbulunu keçirib. Qəbulda DSMF-nin Nizami rayon şöbəsinin və rayon məşğulluq idarəsinin, Azərsu və Azərenerji ASC-nin, Azəriqaz İstehsalat Birliyinin, MKTİB-nin nümayəndələri iştirak ediblər.

Səyyar qəbulda vətəndaşlar yaşadıqları çoxmənzilli binaların dam örtüklərinin təmiri, kanalizasiya xətlərində təmir-bərpa işlərinin aparılması,ərazinin yaşıllaşdırılması və işə qəbulla bağlı məsələlərə toxunublar.

Nizami Hacıyev vətəndaşların problemlərinin həlli istiqamətində aidiyyatı şəxslərə öz tapşırıqlarını verib. Qəbulda dinlənilən müraciətlərin çoxu yerindəcə öz həllini tapıb. Qəbul keçirilən ərazidə  fevralın 17-də iməcilik keçirilməsi, ağac və gül kollarının əkilməsi nəzərdə tutulmuşdur. Qəbuldan razılıq bildirən vətəndaşlar onların problemlərinə diqqət və qayğı ilə yanaşan ölkə rəhbəri İlham Əliyevə, birinci vitse-prezident Mehriban xanım Əliyevaya minnətdarlıq ediblər.

Hamlet Qasımov,
"Xalq qəzeti"nin bölgə müxbiri