Azərbaycan Respublikasının Prezidenti yanında Gənclər Fondunun maliyyə dəstəyi ilə Sabunçu Rayon Gənclər evində Murad Cənnətovun “İctimai davranış qaydaları haqqında maarifləndirmə” adlı layihəsinin açılış mərasimi keçirilib.

Fonddan AZƏRTAC-a bildiriblər ki, açılış mərasimində çıxış edən layihənin eksperti, psixoloq Fidan Azərqızı ictimai davranışın psixoloji faktorlar ilə müqayisəsindən söz açıb.

Açılış mərasimində çıxış edən gənclər cəmiyyətin müxtəlif fərdlərdən təşkil olunduğunu vurğulayaraq, hər bir şəxsin müəyyən bir məsələyə spesifik baxışından, ictimai davranış qaydalarında maarifləndirmə işinin əhəmiyyətindən danışıblar.