Şəmkirdə   hemofiliya, talassemiya və irsi qan xəstəliklərindən əziyyət çəkən xəstələrə yardım məqsədilə qanvermə aksiyası keçirilib. Səhiyyə Nazirliyinin və Şəmkir Rayon İcra Hakimiyyətinin birgə təşkilatçılığı ilə reallaşan aksiyaya rayonun hüquq-mühafizə orqanları, idarə, müəssisə və təşkilatlarının nümayəndələri qatılıblar.

Rayon icra hakimiyyətinin başçısı  Alimpaşa Məmmədov və  icra hakimiyyəti aparatının məsul işçilərinin də qoşulduğu aksiyada 325 nəfər insan donor qismində iştirak etmişdir.

Toplanan qan talassemiya və hemofiliya xəstəliyindən və irsi xəstəliklərdən əziyyət çəkən insanların müalicəsinə sərf edilməsi üçün Mərkəzi Qan Bankına göndərilmişdir.

Hamlet QASIMOV,
“Xalq qəzeti”nin
bölgə müxbiri