Azərbaycan qadını həmişə isməti, namusu, abır-həyası, mərdliyi və cəsurluğu ilə seçilib. Adı əbədi olaraq yaddaşlara həkk olunan yüzlərlə qəhrəman qadınlarımız bu gün də böyük ehtiramla xatırlanır. Sevinirik ki, bu gün onların yolu uğurla davam etdirir. Artıq  qızlarımızın, qadınlarımızın sədaları dünyanın ən yüksək tribunalarından eşidilir.

Qadınlarımızın bu zirvəyə yüksəlməsində, sözsüz ki, Heydər Əliyev Fondunun prezidenti, Azərbaycanın birinci xanımı Mehriban Əliyevanın fəaliyyəti əvəzsizdir. Fondun vitse - prezidenti Leyla xanım Əliyevanın dünyanın müxtəlif ölkələrində cəsarətli çıxışları və Azərbaycan həqiqətlərinin olduğu kimi çatdırılmasında qətiyyətli mövqe nümayiş etdirməsi qadınlarımızın beynəlxalq aləmdə yüksək nüfuza sahib olmasının bariz nümunəsidir.

Hamımız  üçün əziz olan bu bayramda bütün qadınlara ailə səadəti, xoşbəxtlik  arzulayıram. Ən əsası isə öz isti ocaqlarından didərgin salınmış qadınlarımızın bütün bayramları doğma yurdlarında keçirmələrini arzulayıram.

Bayramınız mübarək, əziz analar, bacılar!

Məlahət İBRAHİMQIZI,
Milli Məclisin deputatı,
Yeni Azərbaycan Partiyası
Nəsimi rayon təşkilatının sədri