Ağbulaq İstirahət Mərkəzində Naxçıvan Muxtar Respublikası Ali Məclisinin sədri yanında Gənclər Fondunun, Yeni Azərbaycan Partiyası Naxçıvan Muxtar Respublika Təşkilatının İcra Katibliyinin, Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyinin birgə təşkilatçılığı ilə gənclərin yay universiteti fəaliyyətə başladı.

Yay universitetinin açılış mərasimində çıxış edən Yeni Azərbaycan Partiyası Naxçıvan MR Təşkilatının icra katibi Anar İbrahimov iştirakçıları salamlayaraq, tədbirin mahiyyəti barədə ətraflı məlumat verdi.

Bildirildi ki, yeddi gün istirahət mərkəzində olacaq gənclər “Heydər Əliyev və Azərbaycan gəncliyi”, “Naxçıvanın muxtariyyəti tarixi nailiyyətdir”, “Milli dəyərlərimizin gənclər tərəfindən qorunub saxlanması” mюvzularında seminarlarda və müxtəlif  idman yarışlarında  iştirak edəcək, Şahbuz rayonunun ərazisindəki tarixi yerlərdə olacaqlar.  Yay universitetinin yaradılmasında məqsəd gənclərin vətənpərvərlik hisslərinin artırılması və asudə vaxtlarının səmərəli təşkilidir.

Tədbirdə  Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyinin sədri Azad Cabbarov çıxış edərək istirahət mərkəzində universitet iştirakçılarının vaxtlarının səmərəli təşkil olunması üçün hər cür şəraitin yaradıldığını bildirdi, gənclərə uğurlar arzuladı.

Naxçıvan MR Ali Məclisinin sədri yanında Gənclər Fondunun icraçı direktoru Məmməd Babayev gənclərin Azərbaycan Respublikasında və onun ayrılmaz tərkib hissəsi olan Naxçıvan Muxtar Respublikasında hərtərəfli dюvlət qayğısı ilə əhatə olunduğunu bildirdi.

Vurğulandı ki, gənc fəallar burada müxtəlif mюvzularda diskussiyalarda, intellektual oyunlarda iştirak edəcək, sosial şəbəkələrdən istifadə qaydaları və bu sahədə fəallığın təmin edilməsi mюvzularında  müzakirələr aparacaqlar.  Qeyd edək ki, Ağbulaq İstirahət Mərkəzində təşkil olunan “gənclərin yay universitetində Yeni Azərbaycan Partiyası Naxçıvan MR Təşkilatının Heydər Əliyev adına Gənclər Birliyinin fəalları və Muxtar Respublikanın  ictimai-siyasi həyatında fəallıq gюstərən  gənclər iştirak edirlər.

“Xalq qəzeti”