Vətəndən kənarda  yaşayan Azərbaycan əsilli gənclər bir araya toplanır. Onlar  Diasporla İş üzrə Dövlət Komitəsinin  Gənclər və İdman Nazirliyi və Gənclər Fondu ilə birgə təşkil etdiyi diaspor gənclərinin I Yay düşərgəsində iştirak edərək görüşmək imkanı qazanacaqlar. Bu barədə  Diasporla İş üzrə Dövlət Komitəsindən məlumat verilib. Məqsəd dünyanın müxtəlif ölkələrində yaşayan azərbaycanlı gəncləri  bir araya gətirərək diaspor hərəkatını daha da gücləndirməkdir.

Düşərgədə iştirak üçün qeydiyyat davam edir. Düşərgə Azərbaycan Xalq Cümhuriyyətinin 100 illiyi münasibətilə təşkil edilir və arzu edən gənclər sənədlərini iyunun 30-dək elektron qaydada təqdim edə bilərlər.  İştirakçıların seçim meyarları və digər məlumatlar Komitənin saytında yerləşdirilib.

Qeyd edək ki, diaspor gənclərinin I Yay düşərgəsində iştirak pulsuzdur.

               Əfsanə BAYRAMQIZI,

“Xalq qəzeti”