Qənirə Paşayeva İndoneziyada Azərbaycan qadınlarının hüquqlarından söz açıb

Milli Məclisin deputatı Qənirə Paşayeva və Azərbaycanın bir qrup fəal qadınları –İqtisad Universitetinin prorektoru Səadət Qəndilova, Bakı Dövlət Universitetinin müəllimi Həbibə Qələndərova, Azərbaycan Sahibkar Qadınlar Assosiasiyasının idarə heyətinin sədri Səkinə Babayeva, Regional Hüquqi və İqtisadi Maarifləndirmə İB-nin rəhbəri Arzu Bağırova, “İşgüzar Qadınlar Naminə” İB-nin sədri Sürəyya İsmayılova, fəal qadınlarımız Məlahət Qəhrəmanova, Yeganə Malkoç, Naibə Abdullayeva, Tünzalə Bakıxanova, Aynura Ağasiyeva, Sevda Nəcəfova, Sujayat Məmmədova , Həqiqət Abbasova, Janilya Qafarova, Pərvanə Mustafayeva, Yeganə Əliyeva, Royala Şirinova, Cəmilə İsmayılova, Zöhrə Məsiyeva, Ramilə Şirinova  İndoneziya Respublikasının qadın hüquqları və uşaqların müdafiəsi naziri xanım Yohana Yembise ilə görüşüb.

İndoneziyalı xanım nazir Y.Yembise rəhbərlik etdiyi qurumun fəaliyyəti və bu sahə üzrə ölkələrindəki mövcud vəziyyət, həmçinin qarşılaşdıqları çətinliklər haqqında geniş məlumat verib. Bildirib ki, ailə-məişət problemləri, qadın və uşaqların istismarı və digər problemlərə müdaxilə etmək, qarşısını ala bilmək məqsədi ilə regionlarda nazirliyin hüquq və sosial məsləhət mərkəzləri təsis edilib.

Qənirə Paşayeva öz növbəsində səmimi qəbul və ətraflı məlumata görə xanım nazirə minnətdarlığını bildirib və onlara bütün Azərbaycan qadınlarının salamlarını çatdırıb. Qeyd edib ki, onlar Azərbaycan Xalq Cümhuriyyətinin 100 illiyi ilə əlaqədar İndoneziyada təşkil olunacaq proqramda iştirak etmək, bu nadir hadisəni məhz dost İndoneziyada qeyd etmək, indoneziyalı qadın həmkarları ilə tanış olmaq məqsədi ilə ölkəyə səfər ediblər. Sonra Q.Paşayeva Azərbaycan Xalq Cümhuriyyətinin tarixi, hələ 100 il əvvəl Azərbaycanda qadınlara seçmək və seçilmək hüququnun verildiyini, Azərbaycan cəmiyyətində qadına qarşı xüsusi hörmətin mövcudluğunu, Azərbaycan Respublikası Prezidentinin cənab İlham Əliyevin göstərdiyi xüsusi qayğını, ölkəmizin 1-ci vitse-prezidenti Mehriban Əliyeva başda olmaqla Azərbaycan qadınlarının cəmiyyətdə rolu ilə bağlı danışıb. Müasir Azərbaycanın inkişaf yolu, Azərbaycan--İndoneziya əlaqələrinin tarixindən, İslam dininin, Azərbaycandan İndoneziyaya və Cənub--Şərqi Asiyaya yayılmasından bəhs etdi.  Hazırkı ikitərəfli əlaqələrə toxunan millət vəkili Ermənistanın Azərbaycana qarşı təcavüzü, etnik təmizləmə siyasəti, xüsusilə də Xocalı soyqırımı haqqında danışıb və Azərbaycanın haqlı mövqeyinə dəstək verdikləri üçün İndoneziya xalqına və hökumətinə minnətdarlığını ifadə edib.

Azərbaycan İqtisad Universitetinin prorektoru Səadət Qəndilova, Qadın Sahibkarlar Assosiasiyasının sədri Səkinə Babayeva, Bakı Dövlət Universitetinin alimi Ümmühəbibə Qələndərova, “İşgüzar Qadınlar Naminə” İB-nin sədri Sürəyya İsmayılova, fəal qadınlarımızdan Məlahət Qəhrəmanova və nümayəndə heyətinin digər üzvləri Azərbaycanda öz fəaliyyət sahələri, təşkilatlarında qadınların rolu və dövlətin onlara göstərdiyi qayğı və dəstəklər haqqında məlumat verdilər. Görüşdə Q.Paşayeva xanım naziri Azərbaycana dəvət edib.

Görüşdə iştirak edən səfir Tamerlan Qarayev qarşı tərəflərə Azərbaycanın qadınlardan ibarət nümayəndə heyətini səmimi qəbul etdikləri üçün minnətdarlığını bildirib. Görüşün sonunda Azərbaycan nümayəndə heyəti adından millət vəkili Q.Paşayeva İndoneziya Respublikasının qadın hüquqları və uşaqların müdafiəsi naziri xanım Yohana Yembiseyə Azərbaycan mədəniyyəti ilə bağlı hədiyyə və materiallar təqdim edib.

Zərifə BƏŞİRQIZI,
“Xalq qəzeti”

 


© İstifadə edilərkən "Xalq qəzeti"nə istinad olunmalıdır.



  • I Avropa Oyunlarının təəssüratları uzun müddət xatirələrdə yaşayacaq

    I Avropa Oyunlarının təəssüratları uzun müddət xatirələrdə yaşayacaq

  • Hər gün bir tarix, hər gün bir zəfər

    Hər gün bir tarix, hər gün bir zəfər

  • Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

    Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

  • “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

    “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

  • Siyəzən birinci Avropa Oyunlarının məşəl estafetini qəbul etdi

    Siyəzən birinci Avropa Oyunlarının məşəl estafetini qəbul etdi

Çox oxunanlar



Təqvim

Hava haqqında