Şəmkirdə hərbi-vətənpərvərlik tərbiyəsinə xüsusi önəm verilir. Rayonda ən müxtəlif tədbirlər-yarışlar, müsabiqələr, görüşlər, hərbi hissələrə səfərlər və sair bu kimi tədbirlər öz səmərəsini verir. Rayonda xalq ilə ordunun sarsılmaz birliyi hər bir kollektivdə, yaşayış yerlərində,tədris müəssisələrində hiss olunur. Rayon icra hakimiyyətinin başçısı Alimpaşa Məmmədov bu olduqca vacib bir işdə özü şəxsi nümunə göstərir. Onun müxtəlif görüşlərdə, kütləvi tədbirlərdə çıxışları,əskərlərlə, müharibə veteranları, valideynlərlə görüşləri məhz bu məqsədə xidmət edir.

          Bu günlərdə «Vətən Uğrunda» Səyyar Təşviqat Dəstəsi cəbhənin ön xəttində xidmət edən hərbi qulluqcuların göstərdiyi möhkəm iradəyə görə, onlarda ruh yüksəkliyini daha da artırmaq, ictimaiyyətin ordu ilə birliyini və əlaqələrini möhkəmləndirilməsinə töhfə vermək məqsədi üçün “Əsgərə məktub” layihəsini Azərbaycanın müxtəlif regionlarında davam etdirir.

Layihə çərçivəsində Şəmkir Rayon İcra Hakimiyyətinin başçısı Alimpaşa Məmmədovun Azərbaycan əsgərinə yazdığı məktub və məktubdakı səmimi ürək sözləri yuxarıda qeyd etdiklərimizin daha bir nümunəsidir.

                   Hamlet Qasımov,
«Xalq qəzeti»nin bölgə müxbiri