ƏƏSMN-nin e-xidmətlərinə 1 milyon 335 min dəfədən çox müraciət olunub

Hazırda Əmək və Əhalinin Sosial Müdafiəsi Nazirliyinin   30-a yaxın elektron xidməti fəaliyyət göstərir və aprel ayında bu e-xidmətlərə 1 milyon 335 min dəfədən çox müraciət olunub.

Nazirliyin “Elektron Hökumət” portalı üzərindən təqdim etdiyi e-xidmətlər əmək və sosial müdafiə sahələrində dövlət xidmətlərinin göstərilməsində şəffaflığa, həmin xidmətlərin müvafiq əhali qrupları üçün əlçatanlığına, onlardan real vaxt rejimində asan və rahat şəkildə istifadəyə, sosial təminat sistemində ünvanlılığın təmin olunmasına imkan verir.

Aprel ayında ƏƏSMN-nin bir sıra e-xidmətləri yenə də yüksək istifadə göstəricisi ilə diqqəti cəlb ediblər. Onlardan “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” e-xidməti xüsusilə seçilir. İşçi və işəgötürənlər arasında əmək münasibətlərinin elektron qeydiyyatının həyata keçirilməsi üçün fəaliyyət göstərən həmin e-xidmətə ötən ay 420 017 müraciət qeydə alınıb. Eyni zamanda, hesablanmış və ödənilmiş məcburi dövlət sosial sığorta haqları və fərdi uçot məlumatlarına dair vahid rüblük hesabatların təqdim edilməsinə şərait yaradan “Məcburi dövlət sosial sığortası üzrə hesabatların təqdim edilməsi” e-xidmətinə son bir ayda 393 073 dəfə  müraciət edilib.

Nazirliyin “Tibbi-sosial ekspert komissiyasında sonuncu müayinəyə dair məlumatın verilməsi” (77 244 müraciət),  “İş yerinə dair arayış” ( 61 166 müraciət), “Əmək müqaviləsi bildirişləri barədə məlumatların işçilər tərəfindən əldə edilməsi” (38 275 müraciət) və digər e-xidmətlərdən istifadə sayı mütəmadi olaraq artır. Eləcə də  “Ünvanlı sosial yardımla bağlı müraciətin edilməsi”, “Sığortaolunanlara məlumatların verilməsi”, “Sığortaolunanın onlayn uçota alınması”, “Pensiya kalkulyatoru”, “Uşağın üç yaş tamam olanadək ona qulluq etməyə görə müavinətlə bağlı haqq-hesab cədvəlinin təqdim edilməsi” və s. kimi e-xidmətlər əhalinin daimi maraq dairəsində olan e-xidmətlərdir.

Z.BƏŞİRQIZI,
“Xalq qəzeti”

 


© İstifadə edilərkən "Xalq qəzeti"nə istinad olunmalıdır.



  • I Avropa Oyunlarının təəssüratları uzun müddət xatirələrdə yaşayacaq

    I Avropa Oyunlarının təəssüratları uzun müddət xatirələrdə yaşayacaq

  • Hər gün bir tarix, hər gün bir zəfər

    Hər gün bir tarix, hər gün bir zəfər

  • Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

    Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

  • “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

    “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

  • Siyəzən birinci Avropa Oyunlarının məşəl estafetini qəbul etdi

    Siyəzən birinci Avropa Oyunlarının məşəl estafetini qəbul etdi

Çox oxunanlar



Təqvim

Hava haqqında