Şəmkirdə keçirilən şahmat yarışlarını hamı böyük maraqla izləyir. Dünyanın ən güclü şahmatçılarının qatıldığı «Shamkirchess» turniri nəinki Şəmkirin, bütövlükdə Azərbaycanın idman tarixində növbəti mühüm bir hadisədir. Qeyd edək ki, Şəmkirdə bu yarışlara olduqca məsuliyyətlə hazırlaşıblar. Oyunların təşkilindən tutmuş, şahmatçıların istirahəti, gəzintisi, müxtəlif görüşləri və sair tədbirlərə kimi nəzərə alınıb və uğurla həyata keçirilir. Rayon icra hakimiyyətinin başçısı Alimpaşa Məmmədovun bu turnirin yüksək səviyyədə keçirilməsi üçün bütün texniki-təşkilati tədbirlərin yüksək səviyyədə təşkil edilməsinə nail olması özünü göstərir və bu, hər addımda hiss olunur. Rayon rəhbəri yarışların gedişini bir daha yoxlamaq üçün dünən yenidən salona gəlmiş, idmançılara uğurlar arzulamışdır.

Hamlet Qasımov,
“Xalq qəzeti”nin bölgə müxbiri