Gördüyünüz bu binalar Gəncənin Nizami prospektində inşa olunacaq. Prospektin Gəncə çayı ilə kəsişdiyi yerdən Heydər Əliyev prospektinə, yəni şəhərin mərkəzinədək olan hissəsi daha müasir görkəm alacaq. Yol kənarındakı primitiv ticarət dükanları, həyət evləri söküləcək, sakinlər  qarşılıqlı razılıq əsasında yeni tikiləcək hündürmərtəbəli binalarda daha geniş və hər bir şəraiti olan mənzillərlə təmin ediləcəklər.

          Gəncə çayı üzərindəki körpüdən Heydər Əliyev prospektinə qədər olan hissədə “Architect World” MMC tərəfindən 7 ədəd müxtəlif bloklu 9 mərtəbəli yaşayış kompleksi inşa ediləcək. Bu binaların birinci mərtəbəsində iaşə xidməti obyektləri, alış-veriş mərkəzləri fəaliyyət göstərəcək. Prospektin genişləndirilməsi layihəsi çərçivəsində evləri sökülmüş 150-dən çox ailənin isə yaşayış yerlərinin ümumi sahəsinə uyğun olaraq həmin binalara köçürülməsi nəzərdə tutulur.

                   Hamlet Qasımov,
“Xalq qəzeti”nin bölgə müxbiri