Azərbaycan Respublikasının Prezidenti İlham Əliyev mayın 31-də İtaliya Respublikasının keçmiş baş naziri və sabiq xarici işlər naziri Lamberto Dinini qəbul etmişdir.

Görüşdə II Ümumdünya Mədəniyyətlərarası Dialoq Forumunun beynəlxalq əhəmiyyətindən danışıldı, mədəniyyətlərarası və sivilizasiyalararası dialoqun möhkəmləndirilməsində Forumun önəmi qeyd olundu.

Görüşdə, həmçinin Azərbaycan ilə İtaliya arasında əlaqələrin müxtəlif istiqamətlərdə, o cümlədən iqtisadi, ticarət və digər sahələrdə uğurla inkişaf etdiyi vurğulandı, bu əlaqələrin gələcəkdə daha da inkişaf etdiriləcəyinə əminlik ifadə olundu.

AzərTAc