Dekabrın 24-də Gürcüstan Prezidenti Mixeil Saakaşvili Azərbaycan Respublikasının Prezidenti İlham Əliyevə telefonla zəng etmişdir.

Mixeil Saakaşvili Prezident İlham Əliyevi ad günü münasibətilə təbrik etmiş, ona prezidentlik fəaliyyətində uğurlar və möhkəm cansağlığı arzulamışdır.

Dövlətimizin başçısı təbrikə və diqqətə görə Mixeil Saakaşviliyə minnətdarlığını bildirmişdir.

Dekabrın 24-də Türkiyə Respublikasının Prezidenti Abdullah Gül Azərbaycan Respublikasının Prezidenti İlham Əliyevə telefonla zəng etmişdir.

Abdullah Gül Prezident İlham Əliyevi ad günü münasibətilə təbrik etmiş, ona ali dövlətçilik fəaliyyətində uğurlar və möhkəm cansağlığı arzulamışdır.

Dövlətimizin başçısı təbrikə və diqqətə görə Abdullah Gülə minnətdarlığını bildirmişdir.

Prezidentlər ölkələrimiz arasında dostluq münasibətlərinin bütün sahələrdə bundan sonra da möhkəmlənəcəyinə əminliklərini ifadə etmişlər.

Dekabrın 24-də İordaniya Kralı II Abdullah Azərbaycan Respublikasının Prezidenti İlham Əliyevə telefonla zəng etmişdir.

Kral II Abdullah ad günü münasibətilə dövlətimizin başçısını təbrik etmiş, ali dövləti fəaliyyətində ona uğurlar və möhkəm cansağlığı arzulamışdır.

Prezident İlham Əliyev təbrikə və diqqətə görə minnətdarlığını bildirmişdir.

Telefon söhbəti zamanı ölkələrimiz arasında ikitərəfli münasibətlərin müxtəlif sahələrdə uğurla inkişaf etdiyi vurğulanmış, əlaqələrimizin bundan sonra da genişlənəcəyinə əminlik ifadə olunmuşdur.

Dekabrın 24-də Türkiyə Respublikasının Baş naziri Rəcəb Tayyib Ərdoğan Azərbaycan Respublikasının Prezidenti İlham Əliyevə telefonla zəng etmişdir.

Rəcəb Tayyib Ərdoğan Prezident İlham Əliyevi ad günü münasibətilə təbrik etmiş, ona prezidentlik fəaliyyətində uğurlar və möhkəm cansağlığı arzulamışdır.

Dövlətimizin başçısı göstərilən diqqətə və təbrikə görə Türkiyənin Baş nazirinə minnətdarlığını bildirmişdir.

Azərbaycan Prezidenti İlham Əliyev və Türkiyənin Baş naziri Rəcəb Tayyib Ərdoğan Azərbaycan-Türkiyə dostluq münasibətlərinin gələcəkdə də dinamik şəkildə inkişaf edəcəyinə əmin olduqlarını bildirmişlər.