Dekabrın 24-də Rusiya Federasiyasının Prezidenti Dmitri Medvedev Azərbaycan Respublikasının Prezidenti İlham Əliyevə telefonla zəng etmişdir.
Dmitri Medvedev dövlətimizin başçısını anadan olmasının 50 illiyi münasibətilə təbrik etmiş, ona prezidentlik fəaliyyətində uğurlar arzulamışdır.
Prezident İlham Əliyev təbrikə və diqqətə görə Dmitri Medvedevə minnətdarlığını bildirmişdir.
Telefon söhbəti zamanı dövlət başçıları ölkələrimiz arasında ikitərəfli münasibətlərin müxtəlif sahələrdə uğurla inkişaf etdiyini vurğulamış, yüksək səviyyəli qarşılıqlı səfərlərin və görüşlərin əməkdaşlığımızın inkişafı baxımından önəmini qeyd etmiş, əlaqələrimizin bundan sonra da genişlənəcəyinə əmin olduqlarını bildirmişlər.{nl}

Dekabrın 24-də Rusiya Federasiyasının Baş naziri Vladimir Putin Azərbaycan Respublikasının Prezidenti İlham Əliyevə telefonla zəng etmişdir.
Vladimir Putin Prezident İlham Əliyevi anadan olmasının 50 illiyi münasibətilə təbrik etmiş, ona dövlətçilik fəaliyyətində uğurlar, möhkəm cansağlığı arzulamışdır.
Dövlətimizin başçısı təbrikə və diqqətə görə Vladimir Putinə minnətdarlığını bildirmişdir.
Telefon söhbəti zamanı ikitərəfli münasibətlərimizin bundan sonra da genişlənəcəyinə əminlik ifadə olunmuşdur.

Dekabrın 24-də Gürcüstan Prezidenti Mixeil Saakaşvili Azərbaycan Respublikasının Prezidenti İlham Əliyevə telefonla zəng etmişdir.
Mixeil Saakaşvili Prezident İlham Əliyevə anadan olmasının 50 illiyi münasibətilə təbriklərini çatdırmış, ona dövlətçilik fəaliyyətində uğurlar arzulamışdır.
Dövlətimizin başçısı təbrikə və diqqətə görə Mixeil Saakaşviliyə minnətdarlığını bildirmişdir.
Prezidentlər Azərbaycanla Gürcüstan arasında əlaqələrin bundan sonra daha da genişlənəcəyinə əmin olduqlarını vurğulamışlar.

Dekabrın 24-də Ukrayna Prezidenti Viktor Yanukoviç Azərbaycan Respublikasının Prezidenti İlham Əliyevə telefonla zəng etmişdir.
Viktor Yanukoviç dövlətimizin başçısına anadan olmasının 50 illiyi münasibətilə təbriklərini çatdırmış, ona prezidentlik fəaliyyətində uğurlar arzulamışdır.
Dövlətimizin başçısı təbrikə və diqqətə görə Viktor Yanukoviçə minnətdarlığını bildirmişdir.
Prezidentlər Azərbaycanla Ukrayna arasında müxtəlif sahələrdə uğurla inkişaf edən əlaqələrin bundan sonra da genişlənəcəyinə ümidvar olduqlarını bildirmişlər.

Dekabrın 24-də Türkiyə Respublikasının Prezidenti Abdullah Gül Azərbaycan Respublikasının Prezidenti İlham Əliyevə telefonla zəng etmişdir.
Abdullah Gül dövlətimizin başçısına anadan olmasının 50 illiyi münasibətilə təbriklərini çatdırmış, ona prezidentlik fəaliyyətində uğurlar və möhkəm cansağlığı arzulamışdır.
Dövlətimizin başçısı təbrikə və diqqətə görə Abdullah Gülə minnətdarlığını bildirmişdir. Telefon söhbəti zamanı Prezident İlham Əliyev və Prezident Abdullah Gül ölkələrimiz arasında dostluq münasibətlərinin bütün sahələrdə bundan sonra da daim inkişaf edəcəyinə əmin olduqlarını bildirmişlər.

Dekabrın 24-də Türkiyə Respublikasının IX Prezidenti Süleyman Dəmirəl Azərbaycan Respublikasının Prezidenti İlham Əliyevə telefonla zəng etmişdir.
Süleyman Dəmirəl dövlətimizin başçısına anadan olmasının 50 illiyi münasibətilə təbriklərini çatdırmış, ona dövlətçilik fəaliyyətində uğurlar və möhkəm cansağlığı arzulamışdır.
Dövlətimizin başçısı təbrikə və diqqətə görə Süleyman Dəmirələ minnətdarlığını bildirmişdir.
Telefon söhbəti zamanı dövlətimizin başçısı və Türkiyə Respublikasının IX Prezidenti ulu öndər Heydər Əliyevlə Süleyman Dəmirəlin dostluq münasibətlərini böyük məmnunluqla yad etdilər.