Yunanıstanın maliyyə nazirliyi tərəfindən yaradılmış xüsusi komissiya Almaniya hökumətinin Yunanıstana 108 milyard avro borcunun olması ilə bağlı hesabat açıqlayıb. Newsru.com-un “Spiegel Online”-a istinadən yaydığı  məlumata görə hesabat on minlərlə arxiv sənədi əsasında tərtib edilib.  Hesab edilir ki, bu məbləğ Almaniya hökuməti tərəfindən Yunanıstana 2-ci Dünya Müharibəsi dövründə dağıdılmış inrastrurktura görə kompensasiya kimi ödənilməlidir. Yunanıstanın 1942-1944-cü illərdə ödədiyi məcburi kreditlərə görə də federal hökumət 54 milyard avro ayırmalıdır.  Yekun məbləğ 162 milyard avro edir ki, bu da Yunanıstanın ümumi daxili məhsulunun 80%-ni təşkil edir. Qeyd edək ki, bu vəsait Yunanıstan  beynəlxalq kreditorlara  borclarını ödəyə bilər.

Aida Aysa,

“Xalq qəzeti”