C və K kimi vacib vitaminlər astronavtlar üçün  çox əhəmiyyətlidir. Bu vitaminləri isə bitkilər təmin edir. Onlar olmasa, astronavtlar müxtəlif infeksiyalara daha tez yoluxa bilərlər. Bunun qarşısını almaq üçün NASA kosmosda bitki yetişdirmək qərarına gəlib. Bu barədə xəbəri “Webtekno.com” saytı verib.

150 məktəbdən 15 min tələbə kosmosa bənzər şəraitdə bitki yetişdirmək üçün könüllü olub. Dörd il davam edəcək layihəyə NASA 1,24 milyon dollar vəsait ayırıb. NASA-nın botanika alimi Gioya Massanın sözlərinə görə, layihə  Marsı kəşf etməyə hazırlaşan astronavtlar üçün çox  faydalı olacaq.

Əfsanə ƏHƏDLİ,
“Xalq qəzeti”