Zati-aliləri, cənab Prezident!

Azərbaycanın milli bayramı – Respublika Günü münasibətilə Sizə Peru Hökuməti və xalqı adından, şəxsən öz adımdan ən səmimi təbriklərimi çatdırmaqdan şərəf duyuram.

Bu əlamətdar hadisə ilə əlaqədar Sizə Azərbaycan Respublikasının rifahı naminə ən xoş arzularımı yetirir, həmçinin dövlətlərimiz arasında ikitərəfli münasibətlərin davam etdirilməsi və möhkəmləndirilməsi üçün müxtəlif sahələrdə əməkdaşlıqda və Bakıda ölkəmizin səfirliyinin açılmasında Peru tərəfinin marağını zati-alinizə çatdırmaq istəyirəm.

Bir daha səmimi təbriklərimi bildirir və bu xoş fürsətdən istifadə edərək, Zati-alinizə ən dərin hörmət və yüksək ehtiramımı ifadə edirəm.

Hörmətlə,

Pedro Pablo KUÇİNSKİ
Peru Respublikasının Prezidenti