Zati-aliləri!

Milli bayramınız - Respublika Günü münasibətilə Kamboca xalqı adından və şəxsən öz adımdan Sizə səmimi təbriklərimi və dost Azərbaycan xalqına xoş arzularımı çatdırmaqdan məmnunam.

Bu xoş fürsətdən istifadə edərək əmin olduğumu bildirirəm ki, ölkələrimiz və xalqlarımız arasında dostluq və əməkdaşlıq əlaqələri bundan sonra da inkişaf edəcək.

Hörmətlə,

Norodom SİHAMONİ
Kambocanın Kralı

Zati-aliləri!

Müstəqilliyinizin 98-ci ildönümü və Respublika Günü münasibətilə Sizi və Azərbaycan xalqını “Petronas” şirkəti adından səmimi qəlbdən təbrik etməkdən çox məmnunam. Biz bu əlamətdar bayram münasibətilə Azərbaycan xalqının iftixar və sevinc hisslərinə qoşuluruq.

Azərbaycanın neft və qaz sənayesinin bir hissəsi olan “Petronas” ölkəniz ilə eyni məqsədə, inama və anlaşmaya əsaslanan səmimi və məhsuldar əlaqələrin davam etdirilməsindən məmnundur. Əminik ki, strateji tərəfdaşlığımız daha da güclənəcək və bu, iqtisadi inkişafa böyük töhfələr verəcək.

Zati-aliləri, əlamətdar bayram münasibətilə Sizi bir daha səmimi qəlbdən təbrik edir, Azərbaycan Respublikasına tərəqqi və əmin-amanlıq arzulayırıq.

Müstəqillik bayramınız mübarək.

Hörmətlə,

Datuk Van ZULKİFLİ
Malayziyanın “Petronas”
şirkətinin prezidenti və
şirkətlər qrupunun rəhbəri