Əs-səlamu aleykum varahmatullahi vabarakatuhu!

Ölkənizin milli bayramı – Respublika Günü münasibətilə Sizi İraq xalqı adından və şəxsən öz adımdan səmimi qəlbdən təbrik edirəm.

Fürsətdən istifadə edərək, İraq Respublikasının ölkələrimiz arasında müxtəlif sahələrdə mövcud olan əlaqələri xalqlarımızın mənafeyi naminə inkişaf etdirmək və möhkəmləndirmək istəyini bir daha təsdiq edirəm.

Cənab Prezident, Sizə cansağlığı və uğurlar, dost Azərbaycan xalqına xeyir və bərəkət arzulayıram.

Dərin hörmət və minnətdarlıqla,

Fuad MƏSUM
İraq Respublikasının Prezidenti

Zati-aliləri!

Azərbaycanın milli bayramı – Respublika Günü münasibətilə Sizi səmimi qəlbdən təbrik edir, zati-alinizə cansağlığı və xoşbəxtlik, qardaş Azərbaycan xalqına əbədi tərəqqi və rifah arzulayıram.

Mən ikitərəfli əlaqələrimizi gücləndirmək və dost ölkələrimizin qarşılıqlı mənafeyi naminə bütün sahələrdə əməkdaşlığımızı genişləndirmək üçün zati-alinizlə sıx çalışmaq əzmindəyəm.

Zati-aliləri, bir daha Sizə möhkəm cansağlığı və uğurlar diləyirəm.

Hörmətlə,

Beji Kaid əs-SEBSİ
Tunis Respublikasının Prezidenti