Hörmətli cənab Prezident!

İcazə verin, milli bayramınız - Respublika Günü münasibətilə Sizə və Azərbaycan xalqına ən xoş arzularımı çatdırım.

Azərbaycanın iqtisadi və sosial sahələrdə əldə etdiyi nailiyyətlər beynəlxalq ictimaiyyətdə haqlı olaraq yüksək rəğbət doğurur. Arzu edirəm ki, ölkənizin inkişafı gələcəkdə də bu sürətlə davam etsin.

Mən bir daha təsdiq edirəm ki, Macarıstan ölkələrimiz arasındakı strateji tərəfdaşlığı bundan sonra da inkişaf etdirmək və dostluq əlaqələrimizi möhkəmləndirmək niyyətinə sadiq qalacaqdır.

Bu xoş fürsətdən istifadə edərək, Sizə möhkəm cansağlığı, ali dövləti vəzifənizdə böyük uğurlar, Azərbaycan xalqına sülh və firavanlıq diləyirəm.

Hörmətlə,

Yanoş ADER
Macarıstan Respublikasının Prezidenti

Zati-aliləri!

Ölkənizin milli bayramı - Respublika Günü münasibətilə Yunanıstan xalqı adından və şəxsən öz adımdan Sizə ən səmimi təbriklərimi çatdırıram.

Bu xoş fürsətdən istifadə edərək, Sizə şəxsi rifah, dost Azərbaycan xalqına tərəqqi və firavanlıq arzulayıram.

Hörmətlə,

Prokopis PAVLOPULOS
Yunanıstan Respublikasının Prezidenti

Hörmətli cənab Prezident, əziz dost!

Azərbaycanın milli bayramı - Respublika Günü münasibətilə Xorvatiya Respublikasının vətəndaşları adından və şəxsən öz adımdan Sizi səmimi qəlbdən təbrik edir, ölkənizin və xalqınızın firavanlığı üçün ən xoş arzularımı bildirməkdən məmnunluq duyuram.

Xorvatiya Respublikası ilə Azərbaycan Respublikası iki dost dövlət olub, qarşılıqlı maraq kəsb edən bir çox sahədə əməkdaşlıq edirlər. Əminəm ki, qarşıdakı dövrdə biz əlaqələrimizi daha da gücləndirəcək, xüsusən iqtisadi sahədə əməkdaşlığımızı dərinləşdirəcəyik.

Cənab Prezident, ən yüksək ehtiramımı qəbul etməyinizi xahiş edirəm.

Hörmətlə,

Kolinda QRABAR-KİTAROVİÇ
Xorvatiya Respublikasının Prezidenti

Zati-aliləri!

Respublika Günü münasibətilə Sizə, Hökumətinizə və Azərbaycan xalqına Maldiv Hökuməti, xalqı adından və şəxsən öz adımdan səmimi salamlarımı və xoş arzularımı çatdırıram.

Sizə cansağlığı, Azərbaycan xalqına davamlı sülh və tərəqqi diləyirəm.

Hörmətlə,

Abdulla Yamin Abdul Qəyyum
Maldiv Respublikasının Prezidenti

Möhtərəm Prezident!

Qardaş Azərbaycanın milli bayramı - Respublika Günü münasibətilə Sizə və Sizin simanızda bütün xalqınıza Şimali Kipr Türk Respublikasının xalqı adından və şəxsən öz adımdan ürəkdən gələn ən səmimi təbriklərimi çatdırmaqdan məmnunluq duyuram.

Hörmətlə,

Mustafa AKINCI
Şimali Kipr Türk
Respublikasının Prezidenti

Zati-aliləri!

Sizi və qardaş Azərbaycan xalqını milli bayramınız - Respublika Günü münasibətilə səmimi qəlbdən təbrik edirəm.

Məmnuniyyətlə qeyd etmək istərdim ki, Azərbaycan Respublikası ilə Gürcüstan arasında dostluq və mehriban qonşuluq münasibətlərinə söykənən güclü ikitərəfli əlaqələr qarşılıqlı maraq kəsb edən müxtəlif sahələrdə uğurlu əməkdaşlıq üçün möhkəm zəmin yaradır.

Əminəm ki, birgə səylərimiz nəticəsində ölkələrimizin və xalqlarımızın rifahı naminə gələcəkdə bu münasibətlər daha da dərinləşəcək və inkişaf edəcək.

Bu xoş fürsətdən istifadə edərək, Gürcüstan Hökuməti və xalqı adından Sizə ən xoş arzularımızı çatdırırıq.

Hörmətlə,

Giorgi KVİRİKAŞVİLİ
Gürcüstanın Baş naziri