Hörmətli cənab Prezident,

Xəzər dənizinin “Günəşli” neft yatağındakı platformada baş verən qəza nəticəsində insanların həyatlarını itirməsi, itkin düşməsi və xəsarət alması xəbərini dərin kədər hissi ilə qarşıladım.

İtkin düşən insanların axtarışının müsbət nəticələnəcəyinə ümid edir, Sizə, faciənin qurbanlarının ailələrinə və yaxınlarına, bütün  Azərbaycan xalqına İtaliya xalqı adından və şəxsən öz adımdan dərin hüznlə başsağlığı verir, xəsarət alanların tezliklə sağalmalarını diləyirəm.

Zati-aliləri, bu hüznlü günlərdə Sizin yanınızda olduğumuzu və kədərinizə şərik çıxdığımızı bildirirəm.

Hörmətlə,
Sergio MATTARELLA,
İtaliya Respublikasının Prezidenti

Azərbaycan Respublikasının Prezidenti
zati-aliləri cənab İlham Əliyevə

Zati-aliləri,

“Günəşli” neft yatağındakı platformada baş vermiş qəza və insanların həlak olması xəbəri məni dərindən sarsıtdı.

Həlak olanların ailələrinə dərin hüznlə başsağlığı verir və bütün xəsarət alanların tezliklə sağalmalarını arzulayıram. Biz Azərbaycan Respublikası rəhbərliyinin və xalqının bu ağır kədərini bölüşür, səbir və dözüm diləyirik.

Hörmətlə,
İrakli QARİBAŞVİLİ
Gürcüstanın Baş naziri

Azərbaycan Respublikasının Prezidenti
zati-aliləri cənab İlham Əliyevə

Möhtərəm cənab Prezident,

Dekabrın 4-də “Günəşli” neft yatağındakı platformada qəza nəticəsində insanların həlak olması xəbəri məni dərindən sarsıtdı.

Zati-aliləri, Sizə dərin hüznlə başsağlığı verir, faciə nəticəsində həyatını itirmiş insanların doğmalarına səbir diləyir, xəsarət alanların tezliklə sağalmasını arzu edirəm.

Hörmətlə,
Stepan MESİÇ
Xorvatiyanın sabiq (2000-2010) Prezidenti