Hörmətli cənab Prezident!

Dost Azərbaycanın Xəzər dənizindəki neft platformasında baş vermiş yanğın nəticəsində insanların həlak olması xəbəri məni dərindən kədərləndirdi. Zati-aliləri bu faciə ilə bağlı Sizə, həlak olanların doğmalarına və yaxınlarına dərin hüznlə başsağlığı verirəm.

Allahdan həlak olanlara  rəhmət, dost Azərbaycan xalqına isə əmin-amanlıq diləyirəm.

Dərin hörmət və ehtiramla,

Əbdülfəttah əs-SİSİ
Misir Ərəb Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə

Hörmətli İlham Heydər oğlu!

“Günəşli” yatağında yanğın nəticəsində insanların həlak olması xəbəri məni dərindən kədərləndirdi.

Bu kədərli hadisə ilə əlaqədar Qazaxıstan xalqı adından və şəxsən öz adımdan dərin hüznlə başsağlığı verirəm. Zərərçəkənlərin tezliklə sağalmalarını arzu edirəm.

Hörmətlə,

Nursultan NAZARBAYEV
Qazaxıstan Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə

Hörmətli İlham Heydər oğlu!

Xəzər dənizindəki platformada baş vermiş yanğın nəticəsində insanların həlak olması ilə əlaqədar Sizə dərin hüznlə başsağlığı verirəm.

Həlak olanların doğmalarının və yaxınlarının dərdlərinə şərik olduğumu bildirir, xəsarət alanların tezliklə sağalmasını arzulayıram.

Hörmətlə,

Qurbanqulu BERDİMƏHƏMMƏDOV
Türkmənistanın Prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Xəzər dənizinin “Günəşli” neft yatağındakı platformada baş vermiş yanğın nəticəsində insanların həlak olması barədə xəbər məni dərindən sarsıtdı.

Qətər Dövlətinin xalqı adından və şəxsən öz adımdan Azərbaycan xalqına, Zati-alinizə, həlak olanların doğmalarına və yaxınlarına dərin hüznlə başsağlığı verirəm.

Qadir Allah həlak olanların ruhlarını şad etsin, onların ailələrinə səbir versin.

Hörmətlə,

Təmim bin Həməd Al Tani
Qətər Dövlətinin Əmiri

Azərbaycan Respublikasının Prezidenti  zati-aliləri cənab İlham Əliyevə

Hörmətli cənab Prezident!

“Günəşli” yatağındakı platformada qəza nəticəsində insanların həlak olması ilə əlaqədar dərin hüznlə başsağlığı verirəm.

Cənab Prezident, biz həlak olanların ailələrinin kədərini bölüşür, xəsarət alanlara şəfa diləyirik.

Hörmətlə,

Viktor ORBAN
Macarıstanın Baş naziri

Azərbaycan Respublikasının Prezidenti zati-aliləri cənab İlham Əliyevə

Hörmətli cənab Prezident!

Dekabrın 4-də “Günəşli” dəniz neft yatağındakı platformada baş vermiş dəhşətli qəza ilə bağlı xəbər məni dərindən kədərləndirdi.

Qəza nəticəsində həlak olanların ailələrinə Avropa Şurası adından dərin hüznlə başsağlığı verirəm. Xəsarət alanların tezliklə sağalmasını, itkin düşmüş şəxslərin sağ-salamat tapılmasını, onların axtarışı ilə məşğul olan fövqəladə xidmət əməkdaşlarına cəsarət və əzmkarlıq arzu edirəm.

Hörmətlə,             

Torbörn YAQLAND
Avropa Şurasının baş katibi

Azərbaycan Respublikasının Prezidenti zati-aliləri cənab İlham Əliyevə

Əssəlamu aleykum və rəhmətullahi və bərəkətuhu.

Zati-aliləri!

 Xəzər dənizindəki neft platformasında  baş vermiş qəza nəticəsində Azərbaycan vətəndaşlarının həlak olması ilə əlaqədar Sizə dərin hüznlə başsağlığı verirəm. Ulu Tanrıdan xəsarət alanların tezliklə sağalmasını, ölkənizi qorumasını, müdrik rəhbərliyiniz ilə xalqınızın və Azərbaycanın tərəqqisi, çiçəklənməsi yolunda Sizə yardım etməsini diləyirəm.

Zati-aliləri cənab Prezident, yüksək ehtiramımı qəbul etməyinizi xahiş edirəm.

Əbdüləziz Osman əl-TUVEYCRİ
İslam Təhsil, Elm və Mədəniyyət
Təşkilatının (ISESCO)  Baş direktoru

Azərbaycan Respublikasının Prezidenti zati-aliləri cənab İlham Əliyevə

Hörmətli cənab Prezident!

Xəzər dənizinin “Günəşli” neft yatağındakı platformada yanğın nəticəsində həyatını itirən insanlarla əlaqədar Zati-alinizin şəxsində bütün Azərbaycan xalqına, həlak olanların doğmalarına və yaxınlarına dərin hüznlə başsağlığı verir, bu kədərli günlərdə səbir və dözüm diləyirəm.

Qəza zamanı xəsarət alanlar mərhəmətli Allahın izni ilə tezliklə şəfa taparlar. Ulu Tanrı Sizi və Azərbaycan xalqını xəta-bəladan qorusun.

Dərin hörmətlə,

Abdullah bin Nasser bin Xəlifə Al TANİ
Qətər Dövlətinin Baş naziri və daxili işlər naziri

Azərbaycan Respublikasının Prezidenti  zati-aliləri cənab İlham Əliyevə

Zati-aliləri cənab Prezident!

Azərbaycanın bir qrup dəniz neftçisinə üz vermiş faciəli hadisə barədə xəbər məni dərindən kədərləndirdi.

Bu qəza nəticəsində həlak olanlar ilə əlaqədar Zati-alinizə, həyatlarını itirən insanların ailələrinə və yaxınlarına dərin hüznlə başsağlığı verirəm.

Həlak olan insanlara Allahdan rəhmət diləyir, xəsarət alanlara tezliklə sağalmalarını arzu edirəm.

Hörmətlə,

Abdullah bin Həməd Al TANİ
Qətər Dövlətinin Əmirinin müavini