Rusiya Federasiyasının Prezidenti Vladimir Putindən
Azərbaycan Respublikasının Prezidenti zati-aliləri cənab İlham Əliyevə

Hörmətli İlham Heydər oğlu,

“Günəşli” neft platformasında yanğın nəticəsində insanların həlak olması ilə əlaqədar dərin hüznlə başsağlığımı qəbul edin.

Həlak olanların doğmalarına və yaxınlarına dərindən kədərləndiyim və dəstəyim barədə sözlərimi, bütün xəsarət alanlara tezliklə sağalmaq arzularımı çatdırmağı xahiş edirəm.

Hörmətlə,

Vladimir PUTİN
Rusiya Federasiyasının Prezidenti

Moskva, Kreml, 6 dekabr 2015-ci il

Belarus Respublikasının Prezidenti Aleksandr Lukaşenkodan
Azərbaycan Respublikasının Prezidenti zati-aliləri  cənab İlham Əliyevə

Hörmətli İlham Heydər oğlu,

“Günəşli” dəniz yatağındakı platformada baş vermiş faciə barədə xəbər Sizin kədərinizə şərik olan belarusluları qəlbən sarsıtdı.

Hörmətli İlham Heydər oğlu, Sizə, həlak olanların doğmalarına və yaxınlarına, bütün Azərbaycan xalqına Belarus xalqı adından və şəxsən öz adımdan dərin hüznlə başsağlığı verir, xəsarət alanların hamısına tezliklə sağalmağı arzu edirəm.

Hörmətlə,

Aleksandr LUKAŞENKO
Belarus Respublikasının Prezidenti

Minsk, 6 dekabr 2015-ci il

Azərbaycan Respublikasının Prezidenti zati-aliləri cənab İlham Əliyevə

Hörmətli İlham Heydər oğlu,

Xəzər dənizindəki neft platformasında yanğın zamanı insanların həlak olması ilə əlaqədar dərin hüznlə başsağlığımı qəbul edin.

Həlak olanların doğmalarının və yaxınlarının kədərinə şərik olduğumuzu bildirir, onlara səbr diləyirik.

Hörmətlə,

İslam KƏRİMOV
Özbəkistan Respublikasının Prezidenti

Daşkənd şəhəri, 7 dekabr 2015

Azərbaycan Respublikasının Prezidenti zati-aliləri cənab İlham Əliyevə

Hörmətli İlham Heydər oğlu,

Xəzər dənizinin “Günəşli” yatağındakı neft platformasında insan tələfatı ilə nəticələnmiş yanğın haqqında xəbər məni dərindən kədərləndirdi.

Cənab Prezident, xahiş edirəm, həlak olanların doğmalarına və yaxınlarına Tacikistan Respublikasının xalqı və Hökuməti adından dərin hüznlə başsağlığı verdiyimizi, dərdlərinə şərik olduğumuzu bildirin.

Hörmətlə,

Emoməli RƏHMON
Tacikistan Respublikasının Prezidenti

Düşənbə şəhəri, 7 dekabr 2015-ci il

Azərbaycan Respublikasının Prezidenti zati-aliləri cənab İlham Əliyevə

Hörmətli İlham Heydər oğlu,

“Günəşli” yatağındakı platformada baş vermiş faciə ilə əlaqədar Qırğız Respublikasının xalqı adından və şəxsən öz adımdan Sizə dərin hüznlə başsağlığı verirəm. Həlak olanların doğmalarının və yaxınlarının dərdlərinə şərik olduğumuzu bildirir, xəsarət alanların hamısının tezliklə sağalmasını diləyirik.

Dərin hüznlə,

Almazbek ATAMBAYEV
Qırğız Respublikasının Prezidenti

Bişkek, 7 dekabr 2015-ci il

Azərbaycan Respublikasının Prezidenti  zati-aliləri  cənab İlham Əliyevə

Hörmətli Prezident,

“Günəşli” yatağındakı platformada yanğın nəticəsində çoxlu sayda insanın həyatını itirməsi ilə əlaqədar Monteneqro xalqı adından və şəxsən öz adımdan Sizə dərin hüznlə başsağlığı verirəm.

Monteneqro xalqı bu ağır günlərdə Azərbaycan xalqının kədərini bölüşür.

Cənab Prezident, faciə qurbanlarının ailələrinə də başsağlığımızın çatdırılmasını xahiş edirəm. Qoy, bilsinlər ki, biz də onların kədərinə şərikik.

Möhtərəm Prezident, yüksək ehtiramımı qəbul etməyinizi xahiş edirəm.

Hörmətlə,

Filip VUYANOVİÇ
Monteneqronun Prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri,

Xəzər dənizinin Azərbaycana aid sularında yerləşən neft platformasında baş vermiş faciəli yanğın hadisəsindən çox məyus olduq.

Bosniya və Herseqovinanın Rəyasət Heyəti adından və şəxsən öz adımdan Azərbaycan xalqına və Sizə dərin hüznlə başsağlığı verirəm.

Zati-aliləri, həlak olanların ailələrinə də başsağlığımızı və kədərimizi çatdırmağınızı xahiş edirik. Bu hüznlü vaxtda bizim düşüncələrimiz və dualarımız onlarla birlikdədir.

Yüksək ehtiramımı qəbul etməyinizi xahiş edirəm.

Hörmətlə,

Draqan ÇOVİÇ
Bosniya və Herseqovina Rəyasət Heyətinin sədri

Sarayevo, 7 dekabr 2015-ci il

Azərbaycan Respublikasının Prezidenti zati-aliləri cənab İlham Əliyevə

Hörmətli cənab Prezident,

“Günəşli” yatağındakı neft platformasında yanğın nəticəsində insanların həlak olması ilə əlaqədar Nizami Gəncəvi Beynəlxalq Mərkəzi adından dərin hüznlə başsağlığımızı qəbul edin.

Həlak olanların doğmalarının və yaxınlarının kədərinə şərik olduğumuzu bildirir, xəsarət alanların tezliklə sağalmasını arzulayırıq.

Hörmətlə,

Vayra VİKE-FRAYBERQA
Nizami Gəncəvi Beynəlxalq Mərkəzinin həmsədri,
Latviyanın sabiq Prezidenti (1999-2007-ci illər)

İsmayil SERAGELDİN
Nizami Gəncəvi Beynəlxalq Mərkəzinin həmsədri,
Misirin İsgəndəriyyə kitabxanasının direktoru

Azərbaycan Respublikasının Prezidenti zati-aliləri cənab İlham Əliyevə

Hörmətli İlham Heydər oğlu,

“Günəşli” yatağındakı neft platformasında qəza nəticəsində insan tələfatı ilə əlaqədar, Tatarıstan Respublikasının vətəndaşları adından və şəxsən öz adımdan Sizə dərin hüznlə başsağlığı verirəm.

Sizin dərdinizə şərik olduğumuzu bildirir, həlak olanların doğmalarına və yaxınlarına təsəlli sözlərimizi, bu dəhşətli faciədə xəsarət alanların tezliklə sağalması arzularımızı onlara çatdırmağınızı xahiş edirik.

Hörmətlə,

Rüstəm MİNNİXANOV
Rusiya Federasiyası,
Tatarıstan Respublikasının Prezidenti

Azərbaycan Respublikasının Prezidenti zati-aliləri,  cənab İlham Əliyevə

Hörmətli İlham Heydər oğlu,

Xəzər dənizindəki 10 saylı platformada çoxsaylı insan tələfatı ilə nəticələnmiş faciəli hadisələrlə əlaqədar Sizə dərin hüznlə başsağlığı verirəm.

Həlak olanların doğmalarına və yaxınlarına bütün Həştərxan sakinləri adından onların dərdlərinə şərik olduğumuzu bildiririk.

Sizinlə bərabər biz də dərin kədər içindəyik.

Hörmətlə,

Aleksandr JİLKİN
Həştərxan vilayətinin qubernatoru

Həştərxan, 7 dekabr 2015-ci il

Azərbaycan Respublikasının Prezidenti zati-aliləri cənab İlham Əliyevə

Hörmətli İlham Heydər oğlu,

Xəzər dənizindəki “Günəşli” yatağının 10 nömrəli platformasında çoxsaylı insan tələfatı ilə nəticələnmiş qəza ilə əlaqədar, Sizə dərin hüznlə başsağlığı verirəm. Həlak olmuş və itkin düşmüş neftçilərin doğmalarına və yaxınlarına dərin hüznlə başsağlığı verir, xəsarət alanların tezliklə sağalmasını diləyirəm.

Dərin hörmətlə,

İlyas UMAXANOV
Rusiya Federasiyası
Federal Məclisinin 
Federasiya Şurasının sədr mavini

Moskva, 7 dekabr 2015-ci il

Azərbaycan Respublikasının Prezidenti zati-aliləri cənab İlham Əliyevə

Hörmətli cənab Prezident,

“Günəşli” yatağındakı neft platformasında yanğın nəticəsində insanların həlak olması ilə əlaqədar bp şirkəti adından dərin hüznlə başsağlığımızı qəbul edin.

Sizə və Azərbaycan xalqına dərindən kədərləndiyimizi bildirir, bütün xəsarət alanlara tezliklə sağalmalarını arzu edirik.

Bu çətin vaxtda bp daimi və tam dəstək göstərərək SOCAR-la birgə olduğunu bəyan edir.

Həlak olan işçilərin ailələrinə səbr diləyirik.

Hörmətlə,

Bob DADLİ
bp şirkətinin prezidenti

Azərbaycan Respublikasının Prezidenti zati-aliləri cənab İlham Əliyevə

Hörmətli cənab Prezident,

“Günəşli” neft platformasında yanğın nəticəsində insanların həlak olması ilə əlaqədar Sizə dərin hüznlə başsağlığı verirəm.

Azərbaycan xalqının bu hüznlü və kədərli anında İsrail Dövləti, İsrail xalqı, İsrailin Akko şəhərinin meriyası,  bu şəhərdə yaşayan çoxsaylı azərbaycanlı icması, habelə öz ailəm adından Sizə və xalqınıza dərin hüznlə başsağlığı verir, həlak olanların ailələrinə və yaxınlarının kədərinə şərik olduğumu bildirmək istəyirəm.

Bu dəhşətli faciəni mən şəxsi kədərim və itkim kimi qəbul etdim. Biz bu ağır günlərdə Azərbaycan xalqı ilə bir yerdəyik.

Azərbaycan, başın sağ olsun, Allah ölənlərə rəhmət eləsin.

Hörmətlə,

Şimon LANKRİ
İsrail Dövlətinin Akko şəhərinin meri

Azərbaycan Respublikasının Prezidenti zati-aliləri  cənab İlham Əliyevə

Hörmətli Prezidentim,

Xəzər dənizinin “Günəşli” yatağındakı neft platformasında baş verən dəhşətli qəzadan dərin üzüntü duyduğumu, Zati-alinizin və Azərbaycan xalqının kədərini ən dərin hisslərlə bölüşdüyümü bildirmək istəyirəm.

Azərbaycan xalqının birlik və bərabərliyi ilə bu günləri də geridə qoyacağına olan inamımla, TÜRKSOY-a üzv olan ölkələrin mədəniyyət nazirləri adından və şəxsən öz adımdan qəza nəticəsində həlak olanlara Allahdan rəhmət, yaralılara şəfa diləyir, bütün türk dünyasını kədərləndirən bu hadisənin bir daha yaşanmamasını arzu edirəm.

Dərin ehtiramla,

Düsen KASEİNOV
TÜRKSOY-un baş katibi

Azərbaycan Respublikasının Prezidenti zati-aliləri  cənab İlham Əliyevə

Möhtərəm İlham Heydər oğlu,

Xəzər dənizinin “Günəşli” yatağındakı platformada baş vermiş faciəli hadisələr barədə xəbər bizi sarsıtdı. İcazə verin, Sizə və Azərbaycan Respublikasının bütün xalqına dərin hüznlə başsağlığı verək. Həlak olanların ailələrinin kədərinə şərik olduğumuzu bildirir, onlara səbir diləyirik. Bu itki təkcə həlak olanların doğmaları və yaxınları üçün deyil, bizim hamımız üçün əvəzsiz itkidir. Bu ağır günlərdə biz rusiyalılar da azərbaycanlı dostlarımızın yanındayıq. Qəza nəticəsində xəsarət alanların hamısının tezliklə sağalmasını arzu edirik.

Rusiya-Azərbaycan Dostluq Mərkəzinin kollektivi adından hörmətlə,

Dmitri SAVELYEV
RF Dövlət Dumasının deputatı,
Rusiya-Azərbaycan Parlamentlərarası dostluq qrupunun rəhbəri

Rusiya Federasiyası, Moskva şəhəri

Azərbaycan Respublikasının Prezidenti zati-aliləri cənab İlham Əliyevə

Zati-aliləri, möhtərəm cənab Prezident,

Türkdilli Ölkələrin Parlament Assambleyasının Katibliyi adından və şəxsən öz adımdan “Günəşli” neft platformasında baş vermiş faciə nəticəsində həyatlarını itirən işçilərin ailələrinə, yaxınlarına və bütün Azərbaycan xalqına dərin hüznlə başsağlığı verir və xəsarət alanlara şəfa diləyirəm.

Allah rəhmət eləsin.

Jandos ASANOV
Türkdilli Ölkələrin Parlament
Assambleyasının baş katibi

Azərbaycan Respublikasının Prezidenti zati-aliləri  cənab İlham Əliyevə

Hörmətli İlham Heydər oğlu,

“Günəşli” yatağındakı neft hasilatı platformasında yanğın nəticəsində çoxsaylı insan tələfatı ilə əlaqədar dərin hüznlə başsağlığımı qəbul edin.

Həlak olanların doğmalarına və yaxınlarına dərindən kədərləndiyimi bildirir, zərərçəkənlərin hamısına tezliklə sağalmağı arzu edirəm. Hörmətlə,

Tatyana ANODİNA
Dövlətlərarası Aviasiya Komitəsinin sədri

Moskva, 7 dekabr, 2015-ci il