Hörmətli cənab Prezident!

Milli bayramınız - Respublika Günü münasibətilə Sizə İsrail xalqı adından və şəxsən öz adımdan səmimi təbriklərimi çatdırır, Zati-alinizə rifah, xalqınıza və ölkənizə davamlı inkişaf arzu edirəm.

Zati-aliləri, xahiş edirəm ən dərin ehtiramımı qəbul edin.

Hörmətlə,

Reuven RİVLİN
İsrailin Prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Milli bayramınız - Respublika Günü münasibətilə Sizə və Azərbaycan xalqına Albaniya xalqı adından və şəxsən öz adımdan xüsusi məmnunluqla ən səmimi təbriklərimi çatdırıram.

Bu xoş fürsətdən istifadə edərək, Azərbaycanın Albaniyaya göstərdiyi dəstəyə, xüsusilə də enerji sektorunda TAP boru kəmərinin reallaşdırılmasındakı köməyə görə bir daha xüsusi minnətdarlığımı bildirmək istəyirəm.

Mən, həmçinin ölkələrimiz və xalqlarımız arasında bütün sahələrdə qarşılıqlı maraq doğuran mövcud dostluq münasibətlərini daha da inkişaf etdirməyə hazır olduğumuzu bildirmək istəyirəm.

Zati-aliləri, Sizi münasib bildiyiniz vaxtda Tiranada salamlamaq arzusu ilə ən yüksək ehtiramımı qəbul etməyinizi xahiş edirəm.

Hörmətlə,

Buyar NİŞANİ
Albaniya Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Milli bayramınız - Respublika Günü münasibətilə Sizə və xalqınıza öz adımdan və Bosniya və Herseqovina xalqı adından səmimi salamlarımızı və ölkənizin gələcək inkişafı naminə xoş arzularımızı çatdırıram.

Fürsətdən istifadə edərək, əmin olduğumu bildirirəm ki, Bosniya və Herseqovina ilə Azərbaycan Respublikası arasında əlaqələr iki ölkənin xeyrinə inkişaf etməkdə davam edəcək.

Zati-aliləri, xahiş edirəm ən dərin ehtiramımı qəbul edin.

Hörmətlə,

Mladen İVANİÇ
Bosniya və Herseqovinanın
Rəyasət Heyətinin Sədri