Zati-aliləri,

Milli bayramınız- Respublika Günü münasibətilə Zati-alinizi ürəkdən təbrik edir, Sizə möhkəm cansağlığı və xoşbəxtlik, qardaş Azərbaycan xalqına tərəqqi və inkişaf arzulayıram.

Sizinlə daha yaxından əməkdaşlıq etmək, ikitərəfli əlaqələri gücləndirmək və iki dost arasında qarşılıqlı faydaya əsaslanan mübadiləni daha da genişləndirmək istəyimi bildirirəm.

Zati-aliləri, ən xoş arzularımı qəbul etməyinizi xahiş edirəm.

Dərin hörmətlə,

Beji Kaid əs-SEBSİ
Tunis Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri, 

Azərbaycanın milli bayramı - Respublika Günü münasibətilə Myanma xalqının adından və şəxsən öz adımdan Zati-alinizə ən səmimi təbriklərimi çatdırıram. Azərbaycan xalqına davamlı inkişaf və tərəqqi arzularımı çatdırmaqdan qürur duyuram.

Bu xoş fürsətdən istifadə edərək ölkələrimiz arasında ənənəvi dostluq əlaqələrinin gələcəkdə də güclənəcəyinə və ikitərəfli əməkdaşlığımızın mövcud potensiala uyğun olaraq bütün sahələrdə daha da inkişaf edəcəyinə əminliyimi bildirmək istəyirəm.

Zati-aliləri, xahiş edirəm, ən dərin ehtiramımı qəbul edin.

Hörmətlə,

Theyn SEYN
Myanma İttifaqı Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri,

Azərbaycanın milli bayramı - Respublika Günü münasibətilə Sizə səmimi təbriklərimi və böyük xalqınızın tərəqqisi, rifahı üçün ən xoş arzularımı çatdırmaqdan şərəf hissi duyuram.

Hörmətlə,

Danilo MEDİNA
Dominikan Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri,

Milli bayramınız - Respublika Günü münasibətilə Kamboca Krallığının hökuməti və xalqı adından Zati-alinizə səmimi təbriklərimi, Azərbaycan xalqının xoşbəxtliyi və çiçəklənməsi üçün isə ən xoş arzularımı ifadə etməkdən məmnunam.

Əminəm ki, Azərbaycan Respublikası ilə Kamboca Krallığı arasında mövcud dostluq əlaqələri və əməkdaşlıq xalqlarımızın qarşılıqlı maraqları naminə daha da genişlənəcək və inkişaf edəcək.

Cənab Prezident, Sizə dərin ehtiramımı bildirir, Zati-alinizə möhkəm cansağlığı, ali dövləti vəzifənizin icrasında böyük uğurlar arzulayıram.

Hörmətlə,

Hun SEN
Kamboca Krallığının Baş naziri

Azərbaycan Respublikasının Prezidenti zati-aliləri cənab İlham Əliyevə

Zati-aliləri,  

Milli bayramınız - Respublika Günü münasibətilə Azərbaycan xalqına bütün kanadalılar adından ən xoş arzularımı çatdırmaqdan məmnunam.

Xalqlarımız qarşılıqlı əməkdaşlıq ruhunda birgə çalışmağa davam edirlər. Kanada ölkələrimiz və xalqlarımız arasındakı qarşılıqlı əlaqələrin daha da gücləndirilməsi niyyətindədir.

Neft-qaz, təhsil, kənd təsərrüfatı, informasiya-kommunikasiya texnologiyaları sahələri də daxil olmaqla müxtəlif sektorlarda ikitərəfli ticarət əlaqələrinin davamlı inkişafı üçün imkanları vurğulamaqdan məmnunam. Bu sahələrdə əməkdaşlıq xalqlarımızın davamlı qarşılıqlı tərəqqisini təmin edəcəkdir.

Bu xoş fürsətdən istifadə edərək Sizə və vətəndaşlarınıza bir daha səmimi arzularımı çatdırır, Azərbaycan xalqının firavanlığı və rifahı naminə fəaliyyətinizdə uğurlar diləyirəm.

Dərin ehtiramla,

Devid CONSTON
Kanadanın General-Qubernatoru