Hörmətli cənab Prezident!

Ölkənizin milli bayramı - Respublika  Günü münasibətilə zati-alinizi, dost və qardaş Azərbaycan Respublikasının xalqını və dövlətini səmimi qəlbdən təbrik edirəm.

Əmin olduğumu bildirirəm ki, İran İslam Respublikası ilə Azərbaycan Respublikası rəsmilərinin birgə artan səyləri nəticəsində ölkələrimiz arasındakı gözəl dostluq münasibətləri xalqlarımızın qarşılıqlı mənafeyi istiqamətində ikitərəfli, regional və beynəlxalq səviyyələrdə bundan sonra daha da genişlənəcəkdir.

Allah-Təaladan Sizə möhkəm cansağlığı, Azərbaycan Respublikasının xalqına isə rifah, səadət və başucalılığı arzu edirəm.

Dərin hörmətlə,

Həsən RUHANİ
İran İslam Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Azərbaycanın milli bayramı - Respublika Günü münasibətilə Sizə İspaniya xalqı və hökuməti ilə birlikdə təbriklərimi çatdırmaq istərdim.

Cənab Prezident, Sizə möhkəm

cansağlığı, dost Azərbaycan xalqına isə sülh və rifah arzuladığımı bir daha bildirirəm.

Dərin ehtiramla,

VI FELİPE
İspaniyanın Kralı

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

 Milli bayramınız - Respublika Günü münasibətilə zati-alinizə və Sizin şəxsinizdə bütün Azərbaycan xalqına ən səmimi təbriklərimi çatdırıram. Allahdan bütün insanlara firavan gələcək və mərhəmət

diləyirəm.

Sizinlə görüşümüzü məmnunluqla xatırlayır, Azərbaycan xalqına, Zati-alinizə və hökumətinizə əmin-amanlıq arzu edirəm.

Dərin hörmətlə,

Roma Papası FRANSİS

Azərbaycan Respublikasının Prezidenti zati-aliləri cənab İlham Əliyevə

Hörmətli cənab Prezident!

Ölkənizin milli bayramı - Respublika Günü münasibətilə Sizə və Azərbaycan xalqına səmimi təbriklərimi çatdırıram. Azərbaycana sülh, sabitlik və davamlı inkişaf arzu edirəm. Qəti əminəm ki, Litva ilə Azərbaycan arasındakı müsbət və qarşılıqlı faydalı siyasi, iqtisadi, mədəni, sosial əməkdaşlıq əlaqələri gələcəkdə daha da dərinləşərək inkişaf edəcək və ölkələrimizin davamlı rifahı və təhlükəsizliyinə töhfələr verəcək.

Xahiş edirəm, ən dərin ehtiramlarımı qəbul edin.

Hörmətlə,

Dalya QRİBAUSKAYTE
Litva Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə

Hörmətli cənab Prezident!

Milli bayramınız - Respublika Günü münasibətilə Xorvatiyanın vətəndaşları adından və şəxsən öz adımdan Sizə və Azərbaycan xalqına səmimi təbriklərimi və xoş arzularımı çatdırmaqdan böyük məmnunluq və şərəf duyuram.

Xorvatiya Respublikası ilə Azərbaycan Respublikası arasında dostluq və əməkdaşlığın uzun illərə söykəndiyini nəzərə alaraq, qarşıdakı dövrdə əlaqələrimizin daha da möhkəmlənəcəyinə, xüsusilə iqtisadi sahədə daha geniş əməkdaşlığın yaradılması istiqamətində fəaliyyətin davam edəcəyinə ümidvaram.

Cənab Prezident, xahiş edirəm, dərin ehtiramımı qəbul edin.

Hörmətlə,

Xanım Kolinda Qrabar-KİTAROVİÇ
Xorvatiya Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Azərbaycanın milli bayramı - Respublika Günü münasibətilə zati-alinizə səmimi salamlarımı və təbriklərimi çatdırır, xalqınızı və ölkənizi daha da tərəqqi və inkişafa doğru aparan şərəfli missiyanızda Sizə yeni-

yeni uğurlar arzulayıram.

Bu xoş fürsətdən istifadə edərək, Ulu Tanrıdan zati-alinizi qorumasını, Sizə və ailənizə bol-bol xeyir-dua diləyirəm.

Zati-aliləri, xahiş edirəm ən dərin ehtiramımı qəbul edin.

Hörmətlə,

Əbdüləziz bin Osman əl-TUVEYCRİ
İSESCO-nun baş direktoru