Zati-aliləri!

Milli bayramınız - Respublika Günü münasibətilə Sizə, Azərbaycan xalqına və hökumətinə Hindistan xalqı və hökuməti adından, şəxsən öz adımdan səmimi salamlarımı və təbriklərimi çatdırmaqdan böyük məmnunluq duyuram.

Azərbaycan və Hindistan xalqları ənənəvi mədəni və tarixi əlaqələrə əsaslanan münasibətlərə malikdir. Əminəm ki, çoxsahəli ikitərəfli əməkdaşlığımız güclənməyə davam edəcək və gələcək illərdə

bizim qarşılıqlı faydamız üçün daha da şaxələnəcəkdir. Biz birgə maraqlarımızın müxtəlif sahələri üzrə Azərbaycan ilə əlaqələrimizi daha da intensivləşdirməyə çalışacağıq.

Zati-aliləri, xahiş edirəm, Sizə möhkəm cansağlığı və rifah, dost Azərbaycan xalqına isə daha sürətli inkişaf və firavanlıq arzularımı qəbul edəsiniz.

Dərin ehtiramla,

Pranab MUKHERCİ
Hindistan Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Milli bayramınız - Respublika Günü münasibətilə Zati-alinizə, Azərbaycan Respublikasının hökumətinə və xalqına Malta xalqının adından və şəxsən öz adımdan ən səmimi salamlarımı və təbriklərimi çatdırmaqdan məmnunluq duyuram.

Fürsətdən istifadə edib Zati-alinizə möhkəm cansağlığı və əmin-amanlıq, xalqınıza davamlı tərəqqi arzu edirəm. Ölkələrimiz arasında mövcud olan yüksək səviyyəli əlaqələrin, o cümlədən neft və qaz sahəsində əməkdaşlığımızın daha da güclənəcəyinə inanıram. Əminəm ki, enerji sahəsində əlaqələrimiz xalqlarımızın mənafeyi naminə digər sahələrdə də əməkdaşlığımızın inkişafında mühüm rol oynayacaq.

Hörmətlə,

Xanım Mari-Luiz Koleyro Preka
Maltanın Prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Azərbaycanın milli bayramı - Respublika Günü münasibətilə Sizə ən xoş arzularımı və səmimi təbriklərimi çatdırmaqdan məmnunluq duyuram.

Əminəm ki, qardaş ölkələrimiz gələcək illərdə xalqlarımızın mənafeyi naminə əməkdaşlığın bütün mümkün sahələri üzrə daha çox çalışacaq.

Sizə möhkəm cansağlığı, şəxsi rifah,

qardaş Azərbaycan xalqına isə davamlı sülh, çiçəklənmə və inkişaf arzu edirəm.

Zati-aliləri, ən yüksək ehtiramımı qəbul etməyinizi xahiş edirəm.

Hörmətlə,

Md. Əbdül Həmid
Banqladeş Xalq Respublikasının Prezidenti

Azərbaycan Respublikasının Prezidenti  zati-aliləri cənab İlham Əliyevə

Zati-aliləri!

Milli bayramınız - Respublika Günü münasibətilə Zati-alinizə, Azərbaycan xalqına və hökumətinə ən səmimi təbriklərimə və arzularıma Cənubi Afrika Respublikasının xalqı və hökuməti də qoşulur.

Bu xoş fürsətdən istifadə edərək,

Zati-alinizə möhkəm cansağlığı arzu edirəm. Əminəm ki, ölkələrimiz arasında mövcud olan yüksək səviyyəli dostluq münasibətləri daha da möhkəmlənəcək və genişlənəcək.

Zati-aliləri, dərin ehtiramımı qəbul etməyinizi xahiş edirəm.

Hörmətlə,

Ceykob ZUMA
Cənubi Afrika Respublikasının Prezidenti

Azərbaycan Respublikasının Prezidenti  zati-aliləri  cənab İlham Əliyevə

Zati-aliləri!

İcazə verin, milli bayramınız - Respublika Günü münasibətilə Sizə BMT-nin

Ərzaq və Kənd Təsərrüfatı Təşkilatı adından və şəxsən öz adımdan ən xoş arzularımı çatdırım. Sizə möhkəm cansağlığı,

 xoşbəxtlik, Azərbaycan xalqına sülh və tərəqqi arzu edirəm.

Dərin hörmətlə,

Jose Qratsiano Da Silva
BMT-nin Ərzaq və Kənd Təsərrüfatı
Təşkilatının baş direktoru