Hörmətli cənab Prezident!

Ölkənizin milli bayramı – Respublika Günü münasibətilə Sizi səmimi qəlbdən təbrik edir, Azərbaycan xalqına sülh, tərəqqi və əmin-amanlıq arzulayıram. Aprelin 25-də Bakıya səfərim zamanı göstərilən qonaqpərvərliyə görə bir daha təşəkkür edirəm.

Son illər ölkələrimiz arasında etimad və dostluğa əsaslanan əməkdaşlığın daha da möhkəmlənməsi məni çox sevindirir. Qarşılıqlı tərəfdaşlığımızın daha da inkişaf etməsini və şaxələnməsini arzu edirəm. Mənim ölkənizə son səfərim çərçivəsində əsas prinsiplərini razılaşdırdığımız Azərbaycan-Fransız Universiteti hər iki ölkənin gənclərinə verəcəyi bəhrəyə görə çox vacibdir. 

Uzun müddətdir davam edən və Qafqaz regionunun inkişafına mane olan Dağlıq Qarabağ münaqişəsinin sülh və danışıqlar yolu ilə həlli istiqamətində Minsk qrupunun həmsədri kimi Fransanın üzərinə götürdüyü öhdəliyə bundan sonra da sadiq qalacağına əmin ola bilərsiniz. 

Şərq Tərəfdaşlığının Riqa Sammitində qeyd etdiyim kimi, Avropa İttifaqı ilə Azərbaycan arasındakı münasibətlərin hər bir tərəfdaşa qarşılıqlı hörmət əsasında davam etdirilməsinin və möhkəmləndirilməsinin tərəfdarıyam. Bu baxımdan strateji tərəfdaşlığı modernləşdirmək məqsədi daşıyan danışıqlara tez bir zamanda nail olunmasını arzu edirəm.

Hörmətlə,
Fransua OLLAND
Fransa Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Azərbaycan Respublikasının milli bayramı – Respublika Günü münasibətilə Sizə və ölkənizin vətəndaşlarına səmimi təbriklərimi çatdırıram.

Azərbaycan Respublikası və Çexiya Respublikası arasında ikitərəfli münasibətlərin dinamik inkişafından şadam və bu müsbət tendensiyanın cari ilin sentyabr ayında mənim Bakıya rəsmi səfərimlə təsdiq olunacağına ümid edirəm.

Zati-aliləri, məsuliyyətli işinizdə Sizə müvəffəqiyyətlər diləyir və Azərbaycan xalqına  əmin-amanlıq və rifah arzulayıram.

Miloş ZEMAN
Çexiya Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Azərbaycanın milli bayramı – Respublika Günü münasibətilə Sizə ən səmimi təbriklərimi çatdırmaqdan məmnunam.

Azərbaycan xalqı öz dövlətçiliyini qorumaq, uğurlu, sabit və müstəqil dövlət qurmaq üçün müxtəlif çətinlikləri dəf edib. Bu gün ölkənizin irəliləyişini və tərəqqisini aydın görürük. Səmimi qəlbdən inanıram ki, Sizin rəhbərliyinizlə Azərbaycan Respublikasının gələcəkdə də yeni inkişaf zirvələri və uğurlar əldə edəcəyinə şahid olacağıq. Ölkənizlə güclü tarixi əlaqələrimiz olduğu üçün əminəm ki, bizim birgə səylərimizlə Gürcüstan ilə Azərbaycan arasında ənənəvi dostluq münasibətləri xalqlarımızın qarşılıqlı mənafeyi naminə daha da dərinləşəcək və möhkəmlənəcəkdir.

Fürsətdən istifadə edərək, icazə verin, Gürcüstanın suverenliyinə və ərazi bütövlüyünə göstərdiyiniz möhkəm dəstəyə görə Sizə minnətdarlığımı bildirim.

Zati-aliləri, Sizə ən dərin ehtiramımı bildirir, dost Azərbaycan xalqının sülh və tərəqqisi naminə göstərdiyiniz səylərdə daim uğur qazanmağınızı arzu edirəm.

Dərin hörmətlə,

Giorgi MARQVELAŞVİLİ
Gürcüstanın Prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Milli bayramınız – Respublika Günü münasibətilə bütün Moldova Respublikası xalqı adından və şəxsən öz adımdan Azərbaycan xalqına sülh və daha da çiçəklənmək arzuları ilə Sizi səmimi qəlbdən təbrik etməkdən xüsusi məmnunluq duyuram.

Qəti əminliyimi bildirirəm ki, dostluq və qarşılıqlı anlaşma  münasibətlərinin ənənəvi əsası olan ikitərəfli dialoq Moldova Respublikası ilə Azərbaycan Respublikası arasında əməkdaşlığın iki ölkənin və xalqın rifahı naminə daha da inkişaf etməsinə və genişlənməsinə kömək edəcək.

Zati-aliləri, Bakıya qarşıdakı səfərim ilə əlaqədar Sizinlə tezliklə görüşəcəyimə ümid bəsləyir, Sizə möhkəm cansağlığı və məsul dövləti fəaliyyətinizdə yeni-yeni uğurlar arzu edir, dərin ehtiramımı bildirirəm.

Hörmətlə,

Nikolaye TİMOFTİ
Moldova Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Azərbaycanın milli bayramı – Respublika Günü münasibətilə Zati-alinizə ən səmimi təbriklərimi və xoş arzularımı çatdırmaqdan məmnunluq duyuram.

Bu xoş fürsətdən istifadə edərək, Sizə möhkəm cansağlığı və xoşbəxtlik, xalqınıza davamlı inkişaf və tərəqqi arzulayıram.

Xahiş edirəm ən dərin ehtiramlarımı qəbul edin.

Hörmətlə,

II ABDULLAH
İordaniyanın Kralı

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Azərbaycanın milli bayramı – Respublika Günü münasibətilə Vyetnam Sosialist Respublikası hökumətinin adından və şəxsən öz adımdan Zati-alinizə və Azərbaycan xalqına ən səmimi təbriklərimi çatdırmaq istərdim.

Son illərdə Sizin rəhbərliyiniz ilə ölkənizin inkişafında və müasirləşməsində mühüm nəticələr əldə edilir və bu da Azərbaycanın beynəlxalq arenadakı mövqeyinə təsir edir. Bu yaxınlarda Azərbaycana etdiyim rəsmi səfər zamanı qazandığınız uğurların şəxsən şahidi oldum və buna heyran qaldım.

Ölkələrimiz arasında dostluq münasibətlərinin və ənənəvi əməkdaşlığın davamlı olaraq möhkəmlənməsi, inkişafı və müxtəlif sahələrdə genişlənməsi üçün potensialın olduğunu məmnunluq hissi ilə vurğulayıram. Əminəm ki, dövlət başçılarımızın qətiyyəti sayəsində Vyetnam ilə Azərbaycan arasında ənənəvi dostluq əlaqələri xalqlarımızın mənafeyi, sülh və beynəlxalq inkişaf naminə daha da səmərəli olacaq.

Azərbaycana tərəqqi, xalqınıza isə xoşbəxtlik arzu edirəm.

Zati-alinizə möhkəm cansağlığı, xoşbəxtlik və ali dövləti vəzifənizdə daha böyük uğurlar diləyirəm.

Hörmətlə,

Çıonq Tan ŞANQ
Vyetnam Sosialist Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

28 May – Respublika Günü münasibətilə Sizə Əfqanıstan xalqı adından ən səmimi təbriklərimi çatdırmaqdan şərəf duyuram.

Əminəm ki, Əfqanıstan ilə Azərbaycan arasında dərin tarixi, mədəni və qarşılıqlı maraqlara əsaslanan əlaqələr gələcəkdə bütün sahələrdə daha da möhkəmlənəcək və inkişaf edəcək.

Zati-aliləri, bu xoş fürsətdən istifadə edərək Sizə möhkəm cansağlığı və müvəffəqiyyət, dost Azərbaycan xalqına isə tərəqqi arzu edirəm.

Hörmətlə,

Məhəmməd Əşrəf QANİ
Əfqanıstan İslam Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Maldiv Hökuməti, xalqı və öz adımdan Respublika Günü münasibətilə Zati-alilərinizi, Azərbaycan Hökumətini və xalqını səmimi qəlbdən salamlayır və xoş arzularımı bildirirəm.

Sizə möhkəm cansağlığı və xoşbəxtlik, Azərbaycan xalqına davamlı inkişaf arzu edirəm.

Hörmətlə,

Abdulla Yamin Abdul QƏYYUM
Maldiv Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Ölkənizin milli bayramı – Respublika Günü münasibətilə Zati-alinizə və Sizin şəxsinizdə Azərbaycan xalqına Qətər dövlətinin xalqı adından və şəxsən öz adımdan ən səmimi təbriklərimi çatdırmaqdan məmnunam.

Bu xoş fürsətdən istifadə edərək Sizə ən səmimi salamlarımı çatdırır, Zati-alinizə möhkəm cansağlığı, qardaş Azərbaycan xalqına daha böyük uğurlar və tərəqqi, ölkələrimiz arasındakı dostluq və əməkdaşlıq əlaqələrinin gələcəkdə daha da güclənməsini arzu edirəm.

Ən dərin ehtiramla,

Təmim bin Həməd Al TANİ
Qətər Dövlətinin Əmiri

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Sizi salamlayır, ulu Tanrıdan Sizə xeyir və bərəkət arzulayıram.

Respublika Günü münasibətilə Sizə, Azərbaycan Respublikasının Hökumətinə və xalqına ən səmimi təbriklərimi göndərməkdən məmnunluq duyuram.

Sizə və xalqınıza xoşbəxtlik və rifah arzulayıram. Ölkələrimiz arasında ikitərəfli dostluğu, habelə beynəlxalq təşkilatlar çərçivəsində, xüsusilə də İslam Əməkdaşlıq Təşkilatında qarşılıqlı əməkdaşlığın inkişaf etdirilməsinə olan marağı yüksək qiymətləndirirəm.

Uca Allah Sizə və Azərbaycan xalqına tərəqqi və rifah bəxş etsin.

Hörmətlə,

Hacı Həssənal BOLKİAH
Bruneyin Sultanı

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Dost ölkənizin milli günü münasibətilə Zati-alinizə şəxsən öz adımdan və Bəhreyn Krallığının xalqı adından səmimi təbriklərimi və ən xoş arzularımı çatdırmaqdan şərəf duyuram.

Fürsətdən istifadə edərək, şəxsən Zati-alinizə ən səmimi və xoş arzularımı çatdırır, Sizə cansağlığı və xoşbəxtlik arzulayır, xalqınıza isə müdrik rəhbərliyiniz altında davamlı tərəqqi və firavanlıq diləyirəm.

Dərin hörmət və ehtiramla,

Həməd bin İsa AL-XƏLİFƏ
Bəhreynin Kralı

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Efiopiya Federativ Demokratik Respublikasının xalqı, hökuməti adından və şəxsən öz adımdan Zati-alinizə  və Sizin şəxsinizdə Azərbaycan xalqına və hökumətinə ölkənizin milli bayramı - Respublika Günü münasibətilə ən səmimi təbriklərimi çatdırıram.

Afrikanın diplomatik paytaxtı Əddis-Əbəbədə Azərbaycan səfirliyinin açılması barədə qərarınıza görə Zati-alinizə təşəkkürümü bildirirəm. Azərbaycan səfirliyinin tam şəkildə fəaliyyətini həyata keçirməsindən məmnunluq hissi duyuruq. Əminik ki, bu, qarşıdan gələn illər ərzində ikitərəfli münasibətlərimizin daha da gücləndirilməsi istiqamətindəki səylərimizə yardım edəcək.

Zati-aliləri, Sizə möhkəm cansağlığı, Azərbaycan xalqına tərəqqi və firavanlıq arzularımı qəbul etməyinizi xahiş edirəm.

Hörmətlə,

Mulatu TEŞOME
Efiopiya Federativ Demokratik
Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

İcazə verin, Azərbaycanın milli bayramı - Respublika Günü münasibətilə Sizi səmimi qəlbdən təbrik edim və ölkənizin gələcək inkişafı naminə Sizə müvəffəqiyyətlər arzulayım.

Azərbaycanın sürətli inkişafını, güclənməsini və dövlət quruculuğu işində əldə etdiyi nailiyyətləri məmnuniyyət hissi ilə müşahidə edirik. Cari il də Azərbaycan üçün seçilən illərdən biridir - Azərbaycan yaxın vaxtlarda irimiqyaslı beynəlxalq tədbirə - ilk Avropa Oyunlarına ev sahibliyi edəcəkdir.

Gürcüstan və Azərbaycan arasında formalaşan strateji tərəfdaşlıq bizim üçün olduqca dəyərlidir. Qlobal əhəmiyyətli energetika və nəqliyyat layihələrinin reallaşması prosesində bizim uğurlu müştərək səylərimizi xüsusilə vurğulamaq istərdim.

Sizi əmin etmək istərdim ki, Gürcüstan gələcəkdə də Azərbaycanla sıx əlaqələrin dərinləşməsini və möhkəmlənməsini fəal şəkildə davam etdirəcəkdir.

Zati-aliləri, bu əlamətdar gündə, Sizə bir daha öz səmimi təbriklərimi çatdırır və qardaş Azərbaycan xalqına uğurlar diləyirəm.

Hörmətlə,

İrakli QARİBAŞVİLİ
Gürcüstanın Baş naziri

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Ölkənizin milli bayramı – Respublika Günü münasibətilə Zati-alinizə ən səmimi salamlarımı və təbriklərimi çatdırır, Sizə möhkəm cansağlığı və xoşbəxtlik, qardaş Azərbaycan xalqına isə davamlı inkişaf və tərəqqi arzu edirəm.

Ən dərin ehtiramla,

Abdullah bin Nasir bin Xəlifə Al TANİ
Qətər Dövlətinin Baş naziri və daxili işlər naziri

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Ölkənizin milli bayramı – Respublika Günü münasibətilə Zati-alinizə ən səmimi salamlarımı və təbriklərimi çatdırır, Sizə möhkəm cansağlığı və xoşbəxtlik, qardaş Azərbaycan xalqına isə daha böyük tərəqqi və çiçəklənmə arzu edirəm.

Ən dərin ehtiramla,

Abdullah bin Həməd Al TANİ
Qətər Dövlətinin Əmirinin müavini

Azərbaycan Respublikasının Prezidenti zati-aliləri cənab İlham Əliyevə

Hörmətli İlham Heydər oğlu!

Dövlət bayramınız – Respublika Günü münasibətilə Sizi və Zati-alinizin şəxsində bütün Azərbaycan xalqını ürəkdən təbrik edirəm.

Azərbaycan iqtisadiyyatın inkişafı və möhkəmlənməsində, sosial, mədəniyyət və təhsil sahələrinin tərəqqisində böyük və layiqli yol qət edib. Bugünkü Azərbaycan gərgin və coşqun zəhmətin, ideya, plan və niyyətlərin bəhrəsinin təcəssümüdür.

Sizə və bütün xalqınıza səmimi qəlbdən möhkəm cansağlığı, xoşbəxtlik, firavanlıq, gözəl ölkənizə isə sülh, çiçəklənmə və rifah arzu edirəm.

Hörmətlə,

Yunusbek YEVKUROV
Rusiya Federasiyası
İnquşetiya Respublikasının başçısı

Azərbaycan Respublikasının Prezidenti zati-aliləri cənab İlham Əliyevə

Möhtərəm İlham Heydər oğlu!

Milli bayramınız – Respublika Günü münasibətilə səmimi təbriklərimi qəbul edin.

Müasir Azərbaycan iqtisadiyyat və dövlət quruculuğu sahəsində sanballı uğurlara nail olur, dünya siyasi arenasında layiqli yer tutur, mədəniyyət və idman sahələrində lider mövqelərini möhkəmləndirir. Bütün bunlar xalqınızın ümummilli lideri Heydər Əlirza oğlu Əliyevin siyasi kursunun düzgün olduğunu, Azərbaycan xalqının Sizin fəaliyyətinizi daim dəstəklədiyini göstərir. Rusiya cəmiyyəti Rusiya ilə Azərbaycanın xalqlarımızın zamanın sınağından keçmiş və İkinci Dünya müharibəsinin döyüş meydanlarında daha da möhkəmlənən qardaşlığına, dostluq və mehriban qonşuluq münasibətlərinə əsaslanan dinamik və səmərəli əməkdaşlığını yüksək qiymətləndirir.

Sizə möhkəm cansağlığı və uğurlar, Azərbaycan xalqına sülh və firavanlıq arzu edirəm.

Dərin hörmətlə,

İlyas UMAXANOV
Rusiya Federal Məclisi Federasiya
Şurasının sədr müavini

Azərbaycan Respublikasının Prezidenti zati-aliləri cənab İlham Əliyevə

Möhtərəm İlham Heydər oğlu!

Milli bayramınız – Respublika Günü münasibətilə MDB-nin iştirakçısı olan ölkələrin Parlamentlərarası Assambleya Şurası adından təbrikləri qəbul edin.

Azərbaycan müasir dövlətin təşəkkülü illərində zəngin özünəməxsus mədəniyyətini və dərin milli ənənələrini qoruyub saxlamaqla, beynəlxalq münasibətlərin nüfuzlu iştirakçısına çevrilib. Bu gün yüksək iqtisadi, mədəni və elmi potensiala malik Azərbaycan gələcəyə inamla baxır.

Sizə – böyük dövlət və siyasi xadimə və bütün Azərbaycan xalqına xoşbəxtlik, sülh, firavanlıq və çiçəklənmə arzu edirik.

Hörmətlə,

Aleksey SERGEYEV
MDB Parlamentlərarası
Assambleya Şurasının baş katibi