Azərbaycan Respublikasının Prezidenti  zati-aliləri cənab İlham Əliyevə

Zati-aliləri, möhtərəm İlham Heydər oğlu!

Sizi doğum gününüz münasibətilə ürəkdən təbrik edirəm. Xahiş edirəm ən səmimi arzularımı qəbul edin.

On ildən çoxdur ki, Siz Azərbaycan Respublikasına rəhbərlik edirsiniz. Sizin rəhbərliyinizlə ölkə dövlətdə sabitliyə, sülhə və onun vətəndaşlarının firavanlığına nail olmaq məqsədilə sosial-iqtisadi dəyişikliklər yolunda uğurla irəliləyir. Fərəhlə qeyd edirəm ki, mübarək Azərbaycan torpağında milli və dini mənsubiyyətindən asılı olmayaraq bütün insanların birgə həyatının gözəl modeli praktiki olaraq reallaşır. 2010-cu ilin aprelində Bakıya səfərim zamanı bunu yəqin etmək imkanım oldu. Sizinlə görüşlərimizi, Sizin səxavətinizi, qonaqpərvərliyinizi həmişə hərarətlə xatırlayıram.

Rus Pravoslav Kilsəsi insanlarda vətənpərvərlik tərbiyəsini, mənəvi-əxlaqi tərbiyəni, sülhə və vətəndaş həmrəyliyinə nail olmağı özünün ən mühüm vəzifələrindən biri hesab edir. Kilsə bu məqsədə nail olmağa çalışaraq dünyəvi hakimiyyətlə, digər dini məzhəblərin və ictimai birliklərin nümayəndələri ilə konstruktiv əməkdaşlıq edir. Moskva Patriarxatının Bakı Yeparxiyasının həyat və fəaliyyətinə daimi diqqətinizə görə Sizə xüsusi minnətdarlığımı bildirmək istərdim.

Səmərəli qarşılıqlı fəaliyyətimizin daha da inkişaf edəcəyinə əminliklə Sizə səmimi qəlbdən möhkəm cansağlığı, Azərbaycan Respublikasının və onun sakinlərinin rifahı naminə yeni zəfərlər qazanmaq üçün tükənməz qüvvə arzu edirəm.

Xanımınızı salamlayır və ona ehtiramımı bildirirəm.

Dərin hörmətlə,
Kirill
Moskvanın və
bütün Rusiyanın patriarxı

Azərbaycan Respublikasının Prezidenti zati-aliləri cənab İlham Əliyevə

Möhtərəm cənab Prezident!

Sizi doğum gününüz münasibətilə səmimi qəlbdən təbrik edirəm. Sizə və ailənizə uzun ömür, cansağlığı, müvəffəqiyyətlər arzulayıram.

Sizi və Azərbaycan xalqını 31 dekabr - Dünya Azərbaycanlılarının Həmrəyliyi Günü və Yeni il münasibətilə təbrik edirəm. Sizə və Azərbaycan xalqına daha böyük uğurlar arzulayıram.

Dərin hörmətlə,
Tarix elmləri doktoru
Seyfəddin Buntürk
Bursanın Uludağ Universiteti tarix kafedrasının rəhbəri,
Bursadakı Axıska Türklərinin Təhsil, Mədəniyyət və Həmrəylik Dərnəyinin sədri

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Sizi ad gününüz və qarşıdan gələn bayramlar - Dünya Azərbaycanlılarının Həmrəyliyi Günü və Yeni il münasibətilə səmimi qəlbdən təbrik edirəm. Sizin ötən illərdəki fəaliyyətiniz hamı tərəfindən yüksək qiymətləndirilir. Bu illər ərzində Azərbaycan demokratik, iqtisadi və sosial inkişaf, habelə beynəlxalq nüfuzunun möhkəmlənməsi yolu ilə inamla addımlayıb.

Sizin həmvətəniniz, Vyanada fəaliyyət göstərən iri sənayeçi kimi Sizi əmin etmək istəyirəm ki, bundan sonra da Vətənimizin mənafelərini hər vasitə ilə önə çəkməyə və müdafiə etməyə, onun tərəqqisinə yardımçı olmağa hazıram.

Sizin Avstriyaya rəsmi səfəriniz çərçivəsində Vyanada Azərbaycan Mədəniyyəti Mərkəzinin açılışı zamanı baş tutan qısa söhbətimizi dərin məmnunluq hissi ilə xatırlayıram.

Cənab Prezident, mənim ən xoş arzularımı qəbul edin. Sizə möhkəm cansağlığı, ailə səadəti və firavanlıq arzulayıram.

Dərin hörmətlə,
Artur Abdinov
Avstriyadakı “DİHAG” Holdinqin rəhbəri 

Azərbaycan Respublikasının Prezidenti zati-aliləri cənab İlham Əliyevə

Möhtərəm cənab Prezident!

İcazə verin, doğum gününüz münasibətilə Sizi səmimi qəlbdən təbrik edim. Sizə möhkəm cansağlığı, uzun ömür və Azərbaycanın inkişafı yolunda böyük uğurlar arzu edirəm. Siz Azərbaycan xalqının şanlı oğlu kimi doğma Vətəndən uzaqda yaşayan biz azərbaycanlılar üçün qürur və vətənpərvərlik rəmzi, habelə Azərbaycan dövlətində iqtisadi və siyasi sabitliyin təminatçısısınız. Biz Sizinlə fəxr edirik.  Sizin hər bir çağırışınıza səs verməyə, hər bir tapşırığınızı yerinə yetirməyə daim hazırıq. Sizə bütün işlərinizdə müvəffəqiyyət arzu edirəm.

Hörmətlə,
Ceyhun Zalov
Latviyanın “Yunayted Oyls”
şirkətinin idarə heyətinin sədri

Azərbaycan Respublikasının Prezidenti zati-aliləri cənab İlham Əliyevə

Hörmətli cənab Prezident!

Azərbaycan xalqının rifahı, xoşbəxt gələcəyi, torpaqlarımızın azad olunması, Vətənimizin bütövlüyü naminə apardığınız səmərəli müasir daxili və xarici siyasəti dəstəkləyir, Avropa-dünya məkanında təbliğ edirik.

Müstəqil Azərbaycan Respublikasının qorunması və sivil ölkələr sırasında inkişaf etməsi üçün gördüyünüz işləri həmişə yüksək qiymətləndirmişik, bu gün də qiymətləndiririk.

Çoxmillətli Çexiya-Azərbaycan Elm və Mədəniyyət Mərkəzi - CASVaK, Brno Texnoloji Universiteti, G.T.Masarik Universiteti, Karla İngilis Ali Məktəbi nümayəndələri, həmçinin Azərbaycana bir neçə dəfə səfər etmiş, Sizi yaxından tanıyan elm, iş adamları, tanınmış ziyalılar, soydaşlarımız, Zati-aliləri, Sizi ad gününüz və qarşıdan gələn yeni 2015-ci il münasibətilə təbrik edir, Sizə ən xoş arzularımızı bildiririk.

Arzu edirik ki, həyatınızın hər anı Azərbaycan xalqının rifahı naminə Sizə möhkəm cansağlığı, xoşbəxtlik, ali dövləti fəaliyyətinizdə yeni uğurlar gətirsin. Tanrı Sizi qorusun.

Dərin hörmətlə,
Professor Azər Kərimov
Çexiya-Azərbaycan Elm və Mədəniyyət Mərkəzinin sədri

Professorlar
İvan Meznik, Jirek Vanek,

dosentlər Frantisek Capka,
Jiri Dusek, Jiri Podluski,
Ludek Mikules, Oldriç Sasinka,
Nagif Fezizadə, Agif Fezizadə
və başqaları

Azərbaycan Respublikasının Prezidenti zati-aliləri cənab İlham Əliyevə

Hörmətli İlham Heydər oğlu!

Ukrayna Millətlər Assambleyası Sizə öz səmimi ehtiramını bildirir və Sizi doğum gününüz münasibətilə təbrik edir.

Biz millətlərarası münasibətlərin və ictimai fəaliyyətin təkcə ölkə daxilində deyil, həm də onun hüdudlarından kənarda oynadığı əhəmiyyətli rolu yaxşı başa düşən dövlət, ictimai və elmi xadim kimi Sizə təşəkkür edirik.

Azərbaycanda tolerantlığın səviyyəsi dünyada yaxşı gələcəyə can atan ölkələrin çoxu üçün örnəkdir.

Siz iki strateji tərəfdaş - Azərbaycan ilə Ukrayna arasında dostluğun və həmrəyliyin inkişafına və möhkəmlənməsinə həqiqətən böyük töhfə vermisiniz. Buna görə Ukraynanın çoxmillətli xalqı Sizə minnətdardır. Ukraynanın çox ağır günlərlə üzləşdiyi bir vaxtda Sizin dəstəyiniz xüsusilə əhəmiyyətlidir.

Sizə səmimi qəlbdən həyatda uğurlar və firavanlıq arzu edirik. Qoy, bu nəcib işdə  -  Azərbaycan və Ukrayna xalqları arasında dostluğun möhkəmlənməsi işində uğur daim Sizinlə olsun.

Hörmətlə,
Rövşən Tağıyev
Ukrayna Millətlər Assambleyasının rəhbəri

Azərbaycan Respublikasının Prezidenti zati-aliləri cənab İlham Əliyevə

Hörmətli İlham Heydər oğlu!

Doğum gününüz münasibətilə səmimi təbriklərimi qəbul edin.

Sizin sayənizdə Azərbaycanın beynəlxalq əlaqələri möhkəmlənib və genişlənib, bir sıra investisiya layihələri həyata keçirilib, mühüm siyasi qərarlar qəbul edilib, çoxsaylı dövlət strukturlarında vacib dəyişikliklər baş verir. Siz haqlı olaraq, müdrik və təcrübəli siyasi xadim, öz ölkəsinin həqiqi lideri kimi həmvətənlərinizin səmimi hörmətini və beynəlxalq aləmdə yüksək nüfuz qazanmısınız. Siz, Rusiya-Azərbaycan dostluq münasibətlərinin inkişaf etdirilməsinin prinsipial tərəfdarı kimi, iki dövlət arasında strateji tərəfdaşlığın və müttəfiqliyin möhkəmlənməsinə böyük şəxsi töhfə verirsiniz.

Sizə səmimi qəlbdən xoş günlər, möhkəm cansağlığı, xoşbəxtlik, firavanlıq və işinizdə uğurlar arzulayıram.

Hörmətlə,
Vaqif Məmişov
Sankt-Peterburqda Azərbaycan Milli-Mədəni Muxtariyyətinin sədri

Azərbaycan Respublikasının Prezidenti zati-aliləri cənab İlham Əliyevə

Çox hörmətli İlham Heydər oğlu!

Sizi doğum gününüz münasibətilə Sankt-Peterburqdakı “Azərbaycanlıların dostları cəmiyyəti - Regional İctimai Təşkilatı adından və şəxsən öz adımdan səmimi qəlbdən təbrik edir, xoş arzularımızı çatdırırıq.

Biz, Neva sahillərində yaşayan azərbaycanlılar Sizin çoxşaxəli fəaliyyətinizi, şəxsi təşəbbüslərinizi və Azərbaycan Respublikasının inkişafı yolunda göstərdiyiniz səyləri yüksək qiymətləndiririk.

Sankt-Peterburqda yaşayan azərbaycanlılar qətiyyətlə bildirirlər ki, Azərbaycan ilə Rusiya arasında mehriban qonşuluq prinsiplərinə söykənən dostluq münasibətləri ölkələrimizin xalqlarının maraqlarına uyğun şəkildə bundan sonra da dərinləşəcək. Siz Rusiyada yaşayan həmvətənlərimiz arasında yüksək hörmət və nüfuz qazanmısınız.

Sizə möhkəm cansağlığı, tükənməz enerji, ailə səadəti, Azərbaycan Respublikasının Prezidenti kimi ali dövləti vəzifədə nəzərdə tutduğunuz bütün planların reallaşmasını, Azərbaycan xalqına isə sülh və tərəqqi arzu edirik.

Hörmətlə,
İdris Qəhrəmanov
Sankt-Peterburqdakı “Azərbaycanlıların dostları cəmiyyəti”
Regional İctimai Təşkilatı Şurasının sədri

Azərbaycan Respublikasının Prezidenti zati-aliləri cənab İlham Əliyevə

Hörmətli cənab Prezident!

Sizi doğum gününüz münasibətilə səmimi qəlbdən təbrik edirəm. Sizə möhkəm cansağlığı, Azərbaycanın daha da inkişafı naminə fəaliyyətinizdə uğurlar, ailə səadəti və qarşıya qoyduğunuz məqsədlərə nail olmağı arzu edirəm.

Hörmətlə,
Qasım Kərimov
Ümumrusiya Azərbaycanlılar Konqresinin
Kursk regional bölməsinin rəhbəri

Azərbaycan Respublikasının Prezidenti zati-aliləri cənab İlham Əliyevə

Çox hörmətli cənab Prezident!

Sizi doğum gününüz münasibətilə “Ümumrusiya Azərbaycanlılar Konqresi” Ümumrusiya İctimai Təşkilatının  Ulyanovsk regional bölməsi adından və şəxsən öz adımdan səmimi qəlbdən təbrik edirəm.

Sizin yüksək diqqət və qayğınız sayəsində Azərbaycan Respublikası sürətlə inkişaf edir, sosial, iqtisadi və humanitar sahələrdə yeni-yeni uğurlar qazanır. Siz Azərbaycanın gələcəyi üçün mühüm dövləti islahatlar həyata keçirməyə müvəffəq olursunuz.

Biz Rusiya-Azərbaycan münasibətlərinin möhkəmlənməsinə  Sizin şəxsi töhfənizi yüksək qiymətləndiririk. Azərbaycan Respublikası ilə Rusiya Federasiyasının Ulyanovsk vilayəti arasında dostluq münasibətlərinin və işgüzar tərəfdaşlığın inkişafına göstərdiyiniz diqqət və dəstəyə görə xüsusi təşəkkürümüzü bildirmək istəyirik.

Sizə bundan sonra da məqsədlərinizə nail olmağı, möhkəm cansağlığı, xoşbəxtlik və firavanlıq arzu edirəm.

Hörmətlə,
İslam Hüseynov
“Ümumrusiya Azərbaycanlılar Konqresi
” Ümumrusiya İctimai Təşkilatının Ulyanovsk regional bölməsinin sədri

Azərbaycan Respublikasının Prezidenti zati-aliləri cənab İlham Əliyevə

Hörmətli İlham Heydər oğlu!

Sizi ad gününüz münasibətilə Moskva Dövlət Beynəlxalq Münasibətlər İnstitutunun (Universitetinin) Azərbaycan Klubu adından təbrik edirik. Bu gün biz azərbaycanlı tələbələr Dövlət Proqramı sayəsində dünyanın aparıcı ali məktəblərində təhsil almaq imkanı əldə etmişik. Bu, əlbəttə ki, Azərbaycanın Prezidenti vəzifəsində Sizin uğurlu fəaliyyətinizin nəticəsidir. Sizin rəhbərliyinizlə aparılan səmərəli siyasətin nəticələri həmvətənlərimiz tərəfindən ehtiramla qarşılanır, beynəlxalq aləmdə yüksək qiymətləndirilir.

Sizin gərgin əməyiniz sayəsində biz bu gün Azərbaycanın siyasi və iqtisadi inkişafında sanballı uğurların şahidi oluruq.

Hörmətli cənab Prezident, icazə verin, bu əlamətdar gündə Sizə  möhkəm cansağlığı, xoşbəxtlik, firavanlıq, doğmalarınızın və yaxınlarınızın Sizi daim dəstəkləməsini, Azərbaycanın rifahı naminə yorulmaz fəaliyyətinizdə yeni-yeni uğurlar arzu edim.

Hörmətlə,
Murad Məmmədov
Moskva Dövlət Beynəlxalq Münasibətlər İnstitutunda
Azərbaycan Klubunun sədr müavini

Azərbaycan Respublikasının Prezidenti zati-aliləri cənab İlham Əliyevə

Hörmətli İlham Heydər oğlu!

Sizi ad gününüz, Dünya Azərbaycanlılarının Həmrəyliyi Günü və Yeni il münasibətilə təbrik edirəm. Sizə möhkəm cansağlığı, bütün təşəbbüslərinizdə müvəffəqiyyət, ailə səadəti və Azərbaycanın daha da inkişafı naminə işlərinizdə uğurlar arzu edirəm.

Hörmətlə,
Aidə Quliyeva
Moskvadakı Kərim Kərimov adına
157 nömrəli məktəbin ilk direktoru