Hörmətli İlham Heydər oğlu!

Doğum gününüz münasibətilə Lyublyana Meriyası adından səmimi təbriklərimi qəbul edin.

Bu xoş fürsətdən istifadə edərək, məşhur ingilis yazıçı Luis Kerrolun “Həyatın böyük sirlərindən biri budur ki, yalnız başqaları üçün etdiklərimiz dəyər kəsb edir” müdrik kəlamını yada salmaq yerinə düşər. Çünki Sizin ölkəniz və xalqınız üçün etdikləriniz də böyük dəyərə malikdir.

Zati-aliləri, Sizə xoşbəxtlik, uğurlar, möhkəm cansağlığı və ailə səadəti arzu edirəm.

Dərin hörmətlə,

Zoran YANKOVİÇ
Sloveniyanın Lyublyana şəhərinin meri

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Doğum gününüz münasibətilə Sizə Beynəlxalq Qara Dəniz və Xəzər Dənizi Əməkdaşlıq və Tərəfdaşlıq Fondu adından səmimi təbriklərimizi çatdırır, möhkəm cansağlığı, rifah və fəaliyyətinizdə uğurlar arzulayırıq.

Sizin fəal mövqeyiniz və yüksək peşəkarlıqla birləşən heyrətamiz enerjiniz, münasibətlərdə insani keyfiyyətləriniz və səmimiyyətiniz sülhün möhkəmləndirilməsi, qarşılıqlı anlaşma və sabitlik uğrunda çalışan bütün xalqların hörmət və ehtiramına layiqdir. Sizə ali dövləti fəaliyyətinizdə, Azərbaycan xalqının mənafeyi naminə bütün plan və təşəbbüslərinizin həyata keçirilməsində uğurlar arzulayırıq.

Zati-aliləri, doğum gününüz münasibətilə ən xoş arzularımızı qəbul etməyinizi və Sizə ən yüksək ehtiramımıza əmin olmağınızı xahiş edirik.

Hörmətlə,

Doktor İsmayıl SAFİ
Beynəlxalq Qara Dəniz və Xəzər Dənizi Əməkdaşlıq
və Tərəfdaşlıq Fondunun prezidenti

Azərbaycan Respublikasının Prezidenti zati-aliləri cənab İlham Əliyevə

Əziz və möhtərəm Prezident!

Azərbaycan-Türkiyə dostluq və qardaşlığının möhkəmlənməsinə, türk investorların Azərbaycana cəlb edilməsinə töhfələr verən Azərbaycan Türk Sənayeçi və İş Adamları Beynəlxalq Cəmiyyəti - TUSİAB üzvləri adından və şəxsən öz adımdan, Zati-alilərinizi doğum gününüz münasibətilə səmimi qəlbdən təbrik edir, Sizə uzun ömür, möhkəm cansağlığı arzulayıram.

Həmçinin qarşıdan gələn 31 dekabr – Dünya Azərbaycanlılarının Həmrəyliyi Günü və Yeni il münasibətilə Sizi ən xoş arzularla təbrik edir, Azərbaycan xalqının firavanlığı, xoşbəxtliyi naminə ali dövləti fəaliyyətinizdə uğurlar diləyirəm.

Əminik ki, Sizin rəhbərliyinizlə Azərbaycan xalqı sülh və demokratiya, əmin-amanlıq, iqtisadi inkişaf və rifah yolunda sürətlə irəliləyərək öz tarixinin yeni şanlı səhifələrini yazacaq.

Ən dərin hörmətlərimlə,

Yavuz KELEŞ
TUSİAB-ın idarə heyətinin sədri

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Sizi doğum gününüz münasibətilə klubumuzun və “Atletiko Madrid” ailəsinin bütün üzvləri adından təbrik etmək istərdik.

Yola salmağa hazırlaşdığımız 2014-cü il klubumuz üçün xoş xatirələr və İspaniya Liqasında, Super Kubokda, UEFA Çempionlar Liqasında qazanılan uğurlarla dolu möhtəşəm, tariximizin ən gözəl illərindən biri olub.

Bütün bu nailiyyətlər bizə Sizin gözəl ölkənizi dünyanın 250 milyon əhalisinə təqdim etmək imkanı vermişdir. Bütün azarkeşlərimiz “Atletiko”nun dəyərlərini Azərbaycan ilə əlaqələndirirlər - ambisiyalarla birgə səylər və gərgin iş xəyalları reallaşdırmağa imkan verir.

Biz həqiqətən də bununla fəxr edirik və bu uğuru Sizinlə, Azərbaycan xalqı ilə bölüşmək istəyirik. Bizə göstərdiyiniz dəstəyə görə Sizə daim minnətdar olacağıq və Azərbaycanın gözəlliklərini dünyaya yaymağa davam etməkdə qətiyyətliyik.

İcazə verin, bu xoş fürsətdən istifadə edib Sizi, ailənizi və ölkənizi Milad bayramı və Yeni il münasibətilə təbrik edim.

Dərin hörmətlə,

Migel Angel GİL
İspaniyanın “Atletico de Madrid”
klubunun baş icraçı direktoru

Azərbaycan Respublikasının Prezidenti zati-aliləri cənab İlham Əliyevə

Möhtərəm cənab Prezident!

Sizi doğum gününüz münasibətilə səmimi qəlbdən təbrik edir, Zati-alinizə ən xoş arzularımı çatdırıram.

Müdrik siyasətiniz nəticəsində Azərbaycan regionun ən inkişaf etmiş ölkəsinə, beynəlxalq aləmdə söz və nüfuz sahibinə çevrilib.

Türkdilli Dövlətlərin Əməkdaşlıq Şurasına Sizin daimi dəstəyinizi məmnunluqla ifadə etmək istərdim. Türk dünyasının birliyi, bərabərliyi və möhkəmlənməsi işinə verdiyiniz böyük töhfələr bizi çox sevindirir.

Zati-aliləri, bu xoş fürsətdən istifadə edərək Sizə və ailənizə möhkəm cansağlığı, xoşbəxtlik, ali dövləti vəzifənizdə uğurlar arzu edirəm.

Dərin hörmətlə,

Ramil HƏSƏNOV
Türkdilli Dövlətlərin Əməkdaşlıq Şurasının baş katibi

Azərbaycan Respublikasının Prezidenti zati-aliləri cənab İlham Əliyevə

Hörmətli İlham Heydər oğlu!

İcazə verin, Ukraynanın “İnterbudmontaj” Tikinti Assosiasiyası adından Sizə doğum gününüz münasibətilə ən xoş arzularımı ifadə edim. Sizə möhkəm cansağlığı, xoşbəxtlik, ailə səadəti və rəhbərliyinizlə regional lider statusunu getdikcə daha da möhkəmləndirən Azərbaycan dövlətinin rifahı naminə yeni nailiyyətlər arzu edirəm.

Sizin enerjili, qətiyyətli və məqsədyönlü olduğunuza, ən mürəkkəb məsələlərin optimal yollarını tapmaq bacarığınıza bələd olduğum üçün bilirəm ki, zəngin siyasi təcrübəniz, dərin biliyiniz, daim yeni nailiyyətlərə can atmağınız Sizin rəhbərliyinizlə Azərbaycan Respublikasının uğurlu inkişafının, habelə Ukrayna-Azərbaycan münasibətlərinin strateji tərəfdaşlıq prinsiplərinə uyğun şəkildə daha da dərinləşməsinin etibarlı rəhnidir.

Bakı Metropoliteninin əlavə xətlərinin çəkilməsi üzrə layihədə iştirak etmək “İnterbudmontaj” TA üçün böyük şərəfdir. Eyni zamanda, assosiasiyanın rəhbərliyi başa düşür ki, bu, həm də böyük məsuliyyətdir. Çünki bu gün Azərbaycanda bütün layihələr yüksək səviyyədə həyata keçirilir. Sizi əmin edirəm ki, “İnterbudmontaj” TA bu yüksək etimadı doğrultmaq üçün səylə çalışacaq.

Bu xoş fürsətdən istifadə edib, Sizə qarşıdan gələn yeni 2015-ci il münasibətilə səmimi təbriklərimi çatdırır, xalqınıza xeyir-bərəkət, rifah, Azərbaycana aydın səma arzu edirəm.

Dərin hörmətlə,

Vladimir PETRUK
Ukraynanın “İnterbudmontaj”
Tikinti Assosiasiyasının
idarə heyətinin sədri

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Xahiş edirik, ad gününüz münasibətilə ən səmimi və ən xoş arzularımızı qəbul edin. Sizə möhkəm cansağlığı, tükənməz enerji, rifah və xoşbəxtlik arzu edirik.

Qoy, Tanrı Sizi və gözəl ailənizi daim qorusun, gözəl ölkəniz və xalqınız naminə bütün nəcib istəkləriniz, arzularınız və ümidləriniz həyata keçsin.

Ən dərin ehtiramla,

Vardis VARDİNOYANNİS
Yunanıstanın “Motor Oil Hellas”,
“Vegas Oil and Gas” şirkətlərinin sədri
və xanımı Marianna Vardinoyannis

Azərbaycan Respublikasının Prezidenti zati-aliləri cənab İlham Əliyevə

Əziz cənab Prezident!

Ad gününüzlə bağlı bu məktubdakı salamları və xoş arzuları Sizə Bakının Füzuli küçəsində yerləşən tarixi binanın yerinin dəyişdirilməsinə cavabdeh olan Leon Sviqers göndərir. Bu, mənim həyatımda ən həssas təcrübələrdən biri olmuşdur və mən qəlbimin dərinliklərində bu heyrətamiz layihənin təşəbbüskarı olan müdrik şəxs kimi Sizə və ailənizə qarşıdan gələn illərdə möhkəm cansağlığı, uğurlar və səadət arzu edirəm. Böyük gələcək üçün daim xidmətinizdə hazıram.

Hörmətlə,

Leon SVİQERS
Niderlandın “Bresser Eurasia BV” şirkətinin rəhbəri

Azərbaycan Respublikasının Prezidenti zati-aliləri cənab İlham Əliyevə

Möhtərəm cənab Prezident!

İcazə verin, Sizi ad gününüz və Dünya Azərbaycanlılarının Həmrəyliyi Günü münasibətilə ürəkdən təbrik edim. Sizə möhkəm cansağlığı, xoşbəxtlik və doğma Azərbaycanın rifahı naminə fəaliyyətinizdə daha böyük uğurlar arzu edirəm.

Mən Sizi Rusiya Notariuslar Assosiasiyasının təmsil etdiyi hüquq ictimaiyyəti adından və şəxsən öz adımdan, Sizin və Azərbaycanın təəssübünü çəkən hər kəs adından təbrik edirəm.  Belə insanlar çoxdur və onların sayı gündən-günə artır.

Bu gün hamı belə bir faktı etiraf edir ki, Azərbaycan dövləti  müstəqillik yolunda möhkəm dayanıb, onun beynəlxalq nüfuzu artıb, ölkə iqtisadi və sosial inkişafda misli görünməmiş nailiyyətlər əldə edib. Bu, dünya birliyinin üzləşdiyi qlobal siyasi və iqtisadi  problemlər fonunda xüsusilə nəzərə çarpır.

Zati-aliləri, Sizin ad gününüzün hər il Dünya Azərbaycanlılarının Həmrəyliyi Günü və Yeni il ərəfəsində qeyd olunması dərin rəmzi məna daşıyır.

Hər bir azərbaycanlı üçün əlamətdar olan bu gündə tarixi Vətənin hüdudlarından kənarda yaşayan həmvətənlərimiz Sizin  Azərbaycan Respublikasının tərəqqisinə yönələn fəaliyyətinizi hərtərəfli dəstəklədiklərini böyük ruh yüksəkliyi ilə bəyan edir və Yeni ili ümidlə qarşılayırlar. İnanırlar ki, Sizin rəhbərliyinizlə Azərbaycan daha böyük uğurlar qazanacaq, dünyanın inkişaf etmiş ölkələri sırasında öz mövqelərini möhkəmləndirəcək.

Biz Sizinlə – yüksək intellektə, hərtərəfli biliyə malik, parlaq siyasi xadim olan Prezidentimizlə fəxr edirik.

Biz əminik ki, Tanrının Sizə bəxş etdiyi yüksək mənəvi güc sayəsində Siz həyatınızın başlıca amalına - Azərbaycanı güclü, sabit və çiçəklənən diyara çevirmək məqsədinə nail olacaqsınız. Qoy Ulu Tanrı bu çətin və nəcib işdə Sizə güc və səbir versin.

Möhtərəm İlham Heydər oğlu, icazə verin, ad gününüzü bir daha təbrik edim.

Qoy, qarşıdan gələn yeni, 2015-ci il Sizə, ailənizə və bütün Azərbaycan xalqına sülh, əmin-amanlıq və xoşbəxtlik gətirsin.

Dərin hörmətlə,

Namiq AĞAMİROV
Rusiya Notariuslar Assosiasiyasının sədri,
Dünya Azərbaycanlılarının Əlaqələndirmə Şurasının üzvü,
Avropa Azərbaycanlıları Konqresinin fəxri prezidenti, professor

Azərbaycan Respublikasının Prezidenti zati-aliləri cənab İlham Əliyevə

Hörmətli cənab Prezidentim İlham Əliyev!

Sizi doğum gününüz münasibətilə ürəkdən təbrik edirik. Vətənimiz və xalqımız üçün gördüyünüz böyük işlərə görə Sizə dərin minnətdarlığımızı bildiririk. Əminik ki, Siz Azərbaycanı inkişaf yolları ilə daha da irəliyə aparacaqsınız.

Hörmətli cənab Prezident, Sizin ümummilli liderimiz Heydər Əliyevin siyasi xəttini, quruculuq strategiyasını uğurla davam etdirməyiniz hər bir vətənpərvər azərbaycanlının qəlbini qürur hissi ilə doldurur. Vətəndən uzaqlarda yaşayan bir azərbaycanlı kimi mən də bu uğurlara çox sevinirəm. Bilirəm ki, bu uğurların təməlində Sizin – çox güclü Liderimizin səyləri, yaradıcı təşəbbüsləri dayanır.

Biz, xaricdə yaşayan azərbaycanlılar da öz növbəmizdə, vətənimiz Azərbaycanı olduğumuz ölkələrdə layiqincə təmsil etməyə çalışırıq. Hər zaman Vətənin vuran qolu və döyünən ürəyi olmağa, onun əmin-amanlığı üçün əlimizdən gələni etməyə hazırıq. Yaşadığımız ölkələrdə qazandığımız uğurlar da Vətənə olan ərməğanımızdır. Missiyamız ondan ibarətdir ki, azərbaycanlılar yalnız müsbət cəhətləri, elm və təhsildə qazandıqları uğurlarla, diasporumuzun güclənməsi yolunda fəaliyyətləri ilə tanınsınlar.

Sizinlə Nyu-Yorkda görüşümüz zamanı söz verdiyimiz kimi, Siz hər zaman bizə inana və güvənə bilərsiniz.

Sizə uzun və mənalı ömür, Vətənin çiçəklənməsi yolunda tükənməz güc və əzmkarlıq arzu edirik.

Dərin hörmətlə,

Minəvvər VAHABOVA
Azərbaycan-Amerika Qadınlar Assosiasiyasının
və Nyu-Yorkdakı “Azərbaycan Evi”nin prezidenti

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Sizi doğum gününüz münasibətilə təbrik edirik. Bu xoş fürsətdən istifadə edərək Sizə möhkəm cansağlığı, xoşbəxtlik və müvəffəqiyyətlərlə dolu ömür arzulayırıq.

Qafqazın parlayan ulduzu olan Azərbaycanın daha da inkişafı üçün göstərdiyiniz səylərin davamlı olacağına ürəkdən inanırıq.

Hörmətlə,

Bilal DÜNDAR
Türkiyə-Azərbaycan Dərnəkləri Federasiyasının idarə heyətinin sədri

Azərbaycan Respublikasının Prezidenti zati-aliləri cənab İlham Əliyevə

Hörmətli İlham Heydər oğlu!

Sizi – beynəlxalq siyasətdə öz dəst-xətti ilə seçilən, mənalı ömrünü dünya azərbaycanlılarının məbədgahı olan Azərbaycanımızın parlaq gələcəyinin təmin olunmasına həsr edən böyük dövlət xadimini ad gününüz münasibətilə səmimi qəlbdən təbrik edir, Sizə möhkəm cansağlığı, ailə səadəti, tükənməz enerji arzulayırıq.

Möhtərəm Prezident, Sizin apardığınız müdrik siyasət həmişə Azərbaycan xalqının, harada yaşamasından asılı olmayaraq bütün azərbaycanlıların, o cümlədən Gürcüstan azərbaycanlılarının xoş gələcəyi, milli-mənəvi dəyərlərimizin qorunub saxlanılması və inkişafı ilə bağlı yüksək qayğınızla xüsusi məzmun kəsb edir.

Bu xoş fürsətdən istifadə edərək, Sizi ad gününüz, Dünya Azərbaycanlılarının Həmrəyliyi Günü və Yeni il münasibətilə bir daha səmimi qəlbdən təbrik edir, doğma Azərbaycanımızın qüdrətinin artması üçün ali dövləti vəzifənizdə yeni uğurlar arzulayırıq.

Dərin hörmətlə,

Fazil HƏSƏNOV
Gürcüstanın Marneuli şəhərində
Azərbaycanlıların Mədəniyyət Mərkəzinin idarə heyətinin sədri

Azərbaycan Respublikasının Prezidenti zati-aliləri cənab İlham Əliyevə

Möhtərəm cənab Prezident!

Sizi doğum gününüz münasibətilə Azərbaycanın Belqraddakı Mədəniyyət Mərkəzinin kollektivi adından və şəxsən öz adımdan səmimi qəlbdən təbrik edir, ən xoş arzularımı çatdırıram.

Bu gün ölkəmizdə həyata keçirilən islahatlar və müxtəlif sahələrdə aparılan quruculuq işləri, siyasi sabitlik doğma Azərbaycanımızın daha da qüdrətlənməsinə təkan verir. Məhz bu strategiyanın nəticəsidir ki, bu gün əldə etdiyimiz nailiyyətlər, eyni zamanda, beynəlxalq müstəvidə mövqelərimizin möhkəmlənməsi və ölkəmizin dünya birliyində layiqli yer tutması ilə müşayiət olunmaqdadır.

Çox hörmətli Prezident, ad gününüz münasibətilə bir daha Sizə uzun ömür, möhkəm cansağlığı, Azərbaycanımızın tərəqqisi naminə yorulmaz fəaliyyətinizdə uğurlar diləyirəm.

Dərin hörmət və ehtiramla,

Zərifə ƏLİZADƏ
Azərbaycanın Belqraddakı Mədəniyyət Mərkəzinin sədri