Azərbaycan Respublikasının Prezidenti zati-aliləri cənab İlham Əliyevə

Əziz Prezident İlham Əliyev!

Sizə ad gününüz münasibətilə ən səmimi təbriklərimi çatdırmaq istərdim. Siz Azərbaycanı ən yüksək bilik, siyasi bacarıq və xalqın rifahı qayğısı ilə idarə etmisiniz və yenə də idarə edirsiniz. Dünyada çaxnaşmaların baş verdiyi bir vaxtda Azərbaycan sülh və tərəqqi içində yaşayır. Bu, olduqca əhəmiyyətli uğurdur.

Sizə və ailənizə Yeni il təbriklərimi və ən xoş arzularımı da çatdırmaq istərdim.

Azərbaycan və Azərbaycan xalqı qəlbimin ən isti hissəsindədir. Sizin Azərbaycanı mədəniyyətə, elmə, incəsənətə və ədəbiyyata dərin hörmət bəslənilən bir ölkəyə çevirmək üçün göstərdiyiniz təşəbbüsləri və gördüyünüz işləri olduqca yüksək qiymətləndirirəm. Sizin kimi bir rəhbəri olduğu üçün Azərbaycan çox şanslıdır.

Ən dərin hörmət, ehtiram və xoş arzularla,
Lütfi Zadə
Kaliforniya Universitetinin professoru,
Berkli Soft Computinq Mərkəzinin direktoru

*   *   *    

Azərbaycan Respublikasının Prezidenti zati-aliləri cənab İlham Əliyevə

Sizi doğum gününüz münasibətilə İTOÇU Korporasiyasının adından və şəxsən öz adımdan səmimi qəlbdən təbrik edirəm. Sizə möhkəm cansağlığı, xoşbəxtlik, məsuliyyətli və çətin missiyanızın yerinə yetirilməsində uğurlar arzu edirəm.

Ölkənizin inkişafı istiqamətində göstərdiyiniz səylərinizi yüksək qiymətləndirərək inamla deyirəm ki, bu gün Azərbaycan Respublikası ilə Yaponiya və İTOÇU Korporasiyası arasında ikitərəfli münasibətlər həmişəkindən daha da güclüdür.

Ad gününüz münasibətilə Sizi bir daha təbrik edirəm. Sizə Asiya İnkişaf Bankının gələn ilin may ayında keçiriləcək 48-ci İllik İclasında və iyun ayında gözlənilən birinci Avropa Oyunlarında uğurlar diləyirəm.

Bu xoş fürsətdən istifadə edərək, Sizə xoşbəxt və firavan Yeni il arzulayıram.

Hörmətlə,
Masahiro Okafuji
İTOÇU Korporasiyasının prezidenti və baş icraçı direktoru

*   *   *    

Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Fransanın “Le Racing de Lens” futbol klubu adından doğum gününüz münasibətilə təbriklərimizi çatdırır, Sizə cansağlığı, firavanlıq və ali dövləti vəzifənizdə uğurlar arzu edirik.

Bu xoş fürsətdən istifadə edərək, 2015-ci ilin iyununda idmanın və futbolun beynəlxalq səviyyədə inkişafı üçün Bakıda keçiriləcək birinci Avropa Oyunlarının təşkilatçılığında səmərəli münasibətlər çərçivəsində birgə çalışmağa davam etmək arzumuzu çatdırırıq.

Ən dərin ehtiramla,
Jerve Martel
Fransanın “Le Racing de Lens”
futbol klubunun prezidenti

*   *   *    

Azərbaycan Respublikasının Prezidenti zati-aliləri cənab İlham Əliyevə

Möhtərəm İlham Heydər oğlu!

Sizi ad gününüz münasibətilə Ümumhəmkarlar İttifaqları Konfederasiyası adından və şəxsən öz adımdan səmimi qəlbdən təbrik edirəm.

Bu gün respublikanızda cəmiyyət həyatının bütün sahələrində müşahidə etdiyimiz sanballı nailiyyətlər istedadlı  və əməksevər Azərbaycan xalqının əzmkar quruculuq fəaliyyətinin, ölkənin təbii sərvətlərindən, istehsal və elmi potensialından səmərəli istifadə olunmasının nəticəsidir. Bununla belə, ölkə əhalisi hamı tərəfindən qəbul olunmuş lider kimi Sizə olan böyük etimada söykənməsəydi, ölkənin tərəqqiyə aparan yeni-yeni  zirvələr fəth etməsi belə dinamik və inamlı olmazdı.

Möhtərəm Prezident, icazə verin, bu ilin oktyabrında Ümumhəmkarlar İttifaqları Konfederasiyasının nümayəndə heyətini qəbul etdiyinizə görə Sizə bir daha səmimi təşəkkürümü bildirim.  MDB-nin həmkarlar ittifaqları hərəkatı sosial sahənin və sosial dialoq siyasətinin inkişafında Azərbaycan Respublikasının uğurlarını yüksək qiymətləndirir, ölkənin vətəndaş cəmiyyətində həmkarlar ittifaqlarının oynadığı əhəmiyyətli rolu vurğulayır.

Zati-aliləri, xahiş edirəm, ürəkdən gələn ən səmimi arzularımı qəbul edin. Sizə möhkəm cansağlığı, firavanlıq, Azərbaycan xalqının rifahı naminə fəaliyyətinizdə yeni-yeni uğurlar arzu edirəm.

Hörmətlə,
Vladimir Şerbakov
Ümumhəmkarlar İttifaqları Konfederasiyasının baş katibi

*   *   *    

Azərbaycan Respublikasının Prezidenti zati-aliləri cənab İlham Əliyevə

Hörmətli İlham Heydər oğlu,

Müstəqil Dövlətlər Birliyinin İqtisadi Məhkəməsi Sizə yüksək ehtiram göstərir, ad gününüzü təbrik etmək şərəfinə nail olmaqdan qürur duyur. 

Sizə Azərbaycan Respublikasının tərəqqisinə və Azərbaycan xalqının rifahının yüksəldilməsinə yönələn fəaliyyətinizdə uğurlar, möhkəm cansağlığı, xoşbəxtlik, firavanlıq arzu edirik.

Hörmətlə,
Lyudmila Kamenkova
Müstəqil Dövlətlər Birliyinin İqtisadi Məhkəməsinin sədri

*   *   *    

Azərbaycan Respublikasının Prezidenti zati-aliləri cənab İlham Əliyevə

Hörmətli İlham Heydər oğlu!

Doğum gününüz münasibətilə ən səmimi təbriklərimi qəbul edin. Qoy, topladığınız həyat təcrübəsi və müdriklik yeni zirvələr fəth etməyinizə yardımçı olsun, bütün arzularınız və təşəbbüsləriniz reallaşsın, həyatınızda yaxşı olan hər şey qat-qat artsın.

Sizə və yaxınlarınıza uzun ömür, əmin-amanlıq və firavanlıq arzu edirəm.

Hörmətlə,
Anatoli Çubays,
Rusiyanın “Rosnano” Açıq Səhmdar Cəmiyyəti idarə heyətinin sədri

*   *   *    

Azərbaycan Respublikasının Prezidenti zati-aliləri cənab İlham Əliyevə

Hörmətli İlham Heydər oğlu!

Doğum gününüz münasibətilə səmimi təbriklərimi qəbul edin. Sizin ali dövləti fəaliyyətdə böyük təcrübəniz, tükənməz enerjiniz və uzaqgörən siyasi xadim nüfuzunuz doğma Azərbaycanın daha dinamik inkişafının və çiçəklənməsinin, onun zəngin iqtisadi, intellektual və idman potensialının üzə çıxmasının rəhnidir. Əminəm ki, Azərbaycanın 2015-ci ildə qəbul edəcəyi birinci Avropa Oyunları olimpiya miqyaslı əsl idman bayramı olacaq və bütövlükdə dünyada milyonlarla azarkeşə unudulmaz anlar bəxş edəcək.

Buna da əminəm ki, Azərbaycan idmançıları istər Bakı-2015 Avropa Oyunlarında, istərsə də 2016-cı ildə Rio-de-Janeyro Olimpiadasında Sizi və bütün həmvətənlərini yüksək nəticələr, şanlı qələbələrlə sevindirəcəklər.

Sizə möhkəm cansağlığı, quruculuq enerjisi və firavanlıq arzu edirəm.

Hörmətlə,
Vladimir Lisin
“Novolipetsk Metallurgiya Kombinatı”
Açıq Səhmdar Cəmiyyəti Direktorlar Şurasının sədri

*   *   *    

Hörmətli İlham Heydər oğlu!

Sizi ad gününüz münasibətilə “Uralvaqonzavod” Elm-İstehsalat Korporasiyasının bütün kollektivi adından və şəxsən öz adımdan səmimi qəlbdən təbrik edirəm.

Sizin ömür yolunuz Vətənə vicdanla xidmətin parlaq təsdiqidir. Azərbaycan Respublikasında iqtisadi və sosial sahələrin inkişafına Sizin töhfəniz ölçüyəgəlməzdir. Səmərəli və məhsuldar işiniz ölkədə Sizə böyük nüfuz və ehtiram qazandırıb.

Əminəm ki, Sizin enerjiniz, gözəl işgüzar keyfiyyətləriniz, ana Vətənə maksimum fayda gətirmək istəyiniz bundan sonra da  həyatınızdakı və işinizdəki uğurların rəhni olacaq.

Sizə ali dövləti fəaliyyətinizdə səmimi qəlbdən yeni-yeni uğurlar, xoşbəxtlik və firavanlıq arzu edirəm.

Hörmətlə,
Oleq Siyenko
“Uralvaqonzavod” Elm-İstehsalat Korporasiyası”
Açıq Səhmdar Cəmiyyətinin baş direktoru

*   *   *    

Zati-aliləri!

Doğum gününüz münasibətilə “Mir” Dövlətlərarası Teleradio Şirkətinin kollektivi adından və şəxsən öz adımdan ən səmimi təbrikləri qəbul edin.

İcazə verin, Sizə möhkəm cansağlığı, tükənməz quruculuq enerjisi, Azərbaycan xalqının rifahı və ölkənin sabitliyi naminə çoxşaxəli və səmərəli fəaliyyətinizdə daha böyük nailiyyətlər arzu edim. Sizi əmin edirik ki, “Mir” Dövlətlərarası Teleradio Şirkəti respublikanın həyatını və burada baş verən hadisələri bundan sonra da obyektiv və geniş işıqlandıracaq.

Sizə xoşbəxtlik, Azərbaycan xalqına əmin-amanlıq arzu edirik.

Hörmətlə,

Radik Batırşin
“Mir” Dövlətlərarası Teleradio Şirkətinin
sədri

*   *   *    

Möhtərəm İlham Heydər oğlu!

Sizi ad gününüz münasibətilə ürəkdən təbrik edirəm.  Sizə möhkəm cansağlığı, ailə səadəti, qüdrətli Azərbaycan Respublikasının inkişafı naminə fəaliyyətinizdə uğurlar arzu edirəm. Sizinlə - görkəmli siyasi xadimlə tanış olduğuma görə taleyimdən çox razıyam. Sizi yeni - 2015-ci il münasibətilə təbrik edirəm.

Dərin hörmətlə,
Anatoli Raxanski
Ukrayna Elmlər Akademiyasının akademiki

*   *   *    

Hörmətli İlham Heydər oğlu!

Sizi ad gününüz münasibətilə Həştərxan şəhərinin “Heydər Əliyev adına 11 nömrəli orta ümumtəhsil məktəbi” bələdiyyə büdcə ümumtəhsil müəssisəsinin kollektivi adından, habelə valideynlər və şagirdlər adından ürəkdən təbrik edirəm. Sizə möhkəm cansağlığı, bütün təşəbbüslərinizdə uğurlar, tükənməz quruculuq enerjisi arzulayıram.

Əminəm ki, Sizin Azərbaycan Respublikası ilə Rusiya Federasiyası, o cümlədən Həştərxan vilayəti arasında dostluğun və qarşılıqlı anlaşmanın möhkəmlənməsinə yönələn sosial əhəmiyyətli beynəlxalq layihələrin həyata keçirilməsi istiqamətində fəaliyyətiniz davam edəcək.

Hörmətlə,
Tatyana Tixomirova
Heydər Əliyev adına 11 nömrəli məktəbin
direktoru