Zati-aliləri!

Milli bayramınız – Respublika Günü münasibətilə Sizə, dost və qardaş Azərbaycan xalqına Əfqanıstan xalqı adından və şəxsən öz adımdan səmimi təbriklərimi çatdırmaqdan şərəf hissi duyuram.

Əfqanıstan ilə Azərbaycan arasında dostluq münasibətlərinin ölkələrimizin qarşılıqlı mənafelərinə uyğun olaraq müxtəlif sahələrdə daha da möhkəmlənməsini arzu edirəm.

Zati-alinizə cansağlığı, dost və qardaş Azərbaycan xalqına gündən-günə artan tərəqqi və səadət diləyirəm.

Hörmətlə,

Həmid KƏRZAİ

Əfqanıstan İslam Respublikasının Prezidenti

***  

Zati-aliləri!

Milli bayramınız – Respublika Günü münasibətilə Sizi səmimi qəlbdən təbrik edir, möhkəm cansağlığı, xoşbəxtlik arzulayır, dost Azərbaycan xalqına tərəqqi və rifah diləyirəm.

Cənab Prezident, Sizinlə daha yaxından əməkdaşlıq etmək, ikitərəfli əlaqələri gücləndirmək və dost ölkələrimiz arasında qarşılıqlı fayda üçün mübadiləni genişləndirmək arzumu bildirmək istəyirəm.

Zati-aliləri, Sizə möhkəm cansağlığı, uğurlar və əmin-amanlıq arzularımı qəbul etməyinizi xahiş edirəm.

Hörmətlə,

Mohamed Monsef MARZUKİ

Tunis Respublikasının Prezidenti