Hörmətli cənab Prezident!

Milli bayramınız - Respublika Günü münasibətilə  Sizi və Azərbaycan xalqını bütün polşalılar adından və şəxsən öz adımdan səmimi qəlbdən təbrik edir və uğurlar diləyirəm.

Polşa ilə Azərbaycan arasında mövcud uğurlu münasibətlərdən, xalqlarımızın ənənəvi dostluq və yaxınlıq əlaqələrindən məmnunluğumu bildirirəm. Əminəm ki, ikitərəfli siyasi və iqtisadi əməkdaşlığımız davam edəcəkdir. Cənab Prezident, cari ildə Sizin ölkəmizə gözlənilən səfərinizin Polşa ilə Azərbaycan arasında  əməkdaşlığın daha da möhkəmlənməsinə töhfə verəcəyinə ümidvar olduğumu bildirirəm.

Sizi əmin edirəm ki, Azərbaycan Respublikasının Avropa İttifaqı ilə əməkdaşlığının gücləndirilməsi üçün Polşa Respublikasının dəstəyi dəyişməzdir.

Cənab Prezident, Sizə və xalqınıza firavanlıq arzu edirəm.

Hörmətlə,

Bronislav KOMOROVSKİ

Polşa Respublikasının Prezidenti

***

Zati-aliləri!

Azərbaycanın milli bayramı - Respublika Günü münasibətilə Sizə və Azərbaycan xalqına Pakistan xalqı və hökuməti adından səmimi təbriklərimi çatdırmaqdan şərəf duyuram.

Ölkələrimiz çətin sınaq zamanlarında həmişə bir-birinə dəstək olmuşlar. Əminəm ki, yaxın zamanda bizim əlaqələr daha da güclənəcək, xalqlarımızın qarşılıqlı rifahı və firavanlığı artacaqdır. Mən ölkələrimiz arasında bütün sahələrdə əməkdaşlığın daha da genişlənməsini səbirsizliklə gözləyirəm.

Zati-aliləri, mənim dərin hörmətimi  və xoş arzularımı qəbul edin.

Hörmətlə,

Məmnun HÜSEYN

Pakistan İslam Respublikasının Prezidenti

***

Zati-aliləri!

Azərbaycanın milli bayramı - Respublika Günü münasibətilə Sizi və xalqınızı Xorvatiya Respublikasının vətəndaşları adından və şəxsən öz adımdan ürəkdən təbrik edirəm. Dost Azərbaycana və onun xalqına tərəqqi diləyirəm.

Əminəm ki, Xorvatiya ilə Azərbaycan arasındakı əməkdaşlıq inkişaf edəcək və möhkəmlənəcəkdir.

Zati-aliləri, ən yüksək ehtiramımı qəbul etməyinizi xahiş edirəm.

Hörmətlə,

İvo YOSİPOVİÇ

Xorvatiya Respublikasının Prezidenti

*** 

Zati-aliləri!

Azərbaycanın milli bayramı - Respublika Günü münasibətilə Sizə və Azərbaycan xalqına ən səmimi təbriklərimi yetirirəm. Qarşıdan gələn illərin də ölkəniz üçün uğurlu olmasını diləyirəm.

Zati-aliləri, yüksək ehtiramımı qəbul etməyinizi xahiş edirəm.

Hörmətlə,

Toomas HENDRİK İLVES

Estoniya Respublikasının Prezidenti

***

Zati-aliləri!

Azərbaycan Respublikasının milli bayramı - Respublika Günü münasibətilə Sizi və xalqınızı təbrik edirəm. İordaniya Haşimilər Krallığının xalqı və hökuməti də mənim təbriklərimə qoşulur.

Bu xoş fürsətdən istifadə edərək Zati-alinizə cansağlığı və xoşbəxtlik, qardaş Azərbaycan xalqına davamlı inkişaf və tərəqqi arzu edirəm.

Hörmətlə,

II ABDULLAH

İordaniyanın Kralı

***

Zati-aliləri!

Azərbaycanın milli bayramı - Respublika Günü münasibətilə Sizə səmimi salamlarımı və təbriklərimi çatdırıram.

Bu xoş fürsətdən istifadə edərək, Zati-alinizə cansağlığı, xoşbəxtlik, qardaş Azərbaycan xalqına rifah və gələcək illərdə də inkişaf diləyirəm.

Ən yüksək ehtiramlarımla,

Abdullah bin Nasser bin XƏLİFƏ AL TANİ

Qətər dövlətinin Baş naziri və daxili işlər naziri

*** 

Zati-aliləri!

Azərbaycanın milli bayramı - Respublika Günü münasibətilə ən yüksək ehtiramlarımla Zati-alinizə və Sizin şəxsinizdə bütün Azərbaycan xalqına Qətər Hökuməti adından və şəxsən öz adımdan səmimi salamlarımı və təbriklərimi çatdırıram.

Bu xoş fürsətdən istifadə edərək, Zati-alinizə cansağlığı və xoşbəxtlik, qardaş Azərbaycan xalqına davamlı inkişaf və qarşıdan gələn illərdə ölkələrimiz arasındakı ikitərəfli münasibətlərin güclənməsini diləyirəm.

Şeyx Təmim bin HƏMƏD AL TANİ

Qətər Dövlətinin Əmiri

*** 

Zati-aliləri!

Azərbaycanın milli bayramı - Respublika Günü münasibətilə Zati-alinizə Nepal xalqı, hökuməti adından və şəxsən öz adımdan səmimi təbriklərimi çatdırıram.

Bu xoş fürsətdən istifadə edərək Sizə cansağlığı, xoşbəxtlik və uğurlar, Azərbaycan xalqına tərəqqi və rifah arzulayıram.

Hörmətlə,

Ram Baran YADAV

Nepalın Prezidenti