Möhtərəm cənab Prezident !
Milli bayram - Respublika Günü münasibətilə Sizə və Azərbaycan xalqına şəxsən öz adımdan və Rumıniya xalqı adından səmimi təbriklərimi və ən xoş arzularımı çatdırmaqdan məmnunluq duyuram.
Rumıniya ilə Azərbaycan arasında qarşılıqlı faydalı əməkdaşlıq münasibətləri əminəm ki, gələcəkdə də uğurla inkişaf edəcək, ölkələrimizə və xalqlarımıza fayda verəcəkdir.
Mən, həmçinin Sizinlə mühüm dialoqumuzu məmnunluqla xatırlayır, Rumıniya ilə Azərbaycan arasında dostluq və əməkdaşlıq münasibətlərinin inkişafı üçün birgə səylərimizin əhəmiyyətini bir daha qeyd etmək istərdim.
Əziz cənab Prezident, Sizə olan yüksək ehtiramımı qəbul etməyinizi xahiş edirəm.
Sizinlə tezliklə görüşmək ümidi ilə,
Trayan BESESKU Rumıniyanın Prezidenti

Zati-aliləri !
Azərbaycanın milli bayramı - Respublika Günü münasibətilə Laos xalqı adından və şəxsən öz adımdan Zati-alinizə və Sizin şəxsinizdə dost Azərbaycan xalqına ən səmimi təbriklərimi, xoş arzularımı çatdırıram.
Mən inanıram ki, Laos Xalq Demokratik Respublikası və Azərbaycan Respublikası arasındakı dostluq və əməkdaşlıq əlaqələri xalqlarımızın mənafeyi, regionda və dünyada sülhün və əməkdaşlığın inkişafı üçün daha da genişlənəcəkdir.
Zati-aliləri, ən yüksək ehtiramımı qəbul etməyinizi xahiş edirəm.
Çoummali SAYASONE Laos Xalq Demokratik Respublikasının Prezidenti

Zati-aliləri !
Azərbaycanın milli bayramı - Respublika Günü münasibətilə Myanma İttifaqı Respublikasının xalqı adından və şəxsən öz adımdan zati-alinizə və Azərbaycan xalqına ən səmimi təbriklərimi çatdırıram.
Fürsətdən istifadə edərək xalqlarımız arasındakı səmimi əlaqələrin bundan sonrakı illərdə də möhkəmlənəcəyinə inamımı bildirmək istərdim.
Hörmətlə,
Theyn SEYN Myanma İttifaqı Respublikasının Prezidenti

Çox hörmətli İlham Heydər oğlu!
Milli bayram - Respublika Günü münasibətilə Sizi və Azərbaycan xalqını ürəkdən təbrik edirəm.
Sizə möhkəm cansağlığı və ali dövləti vəzifənizdə bundan sonra da səmərəli fəaliyyət, Azərbaycan xalqına isə səadət və firavanlıq arzulayıram.
Fürsətdən istifadə edib bir daha bildirirəm ki, Moskva vilayəti ilə Azərbaycan Respublikası arasında hərtərəfli qarşılıqlı faydalı əməkdaşlığı inkişaf etdirməyin mühüm əhəmiyyəti vardır.
Hörmətlə,
Sergey ŞOYQU Moskva vilayətinin qubernatoru