Azərbaycan Respublikasının Prezidenti zati-aliləri cənab İlham Əliyevə

Zati-aliləri! 
Azərbaycanın milli bayramı - Respublika Günü münasibətilə Vyetnam Sosialist Respublikası dövləti və xalqı adından, şəxsən öz adımdan Sizə və Azərbaycan xalqına ən səmimi təbriklərimi çatdırıram.
Şadam ki, ötən müddət ərzində ölkələrimiz arasında ənənəvi dostluq və əməkdaşlıq münasibətləri qorunub saxlanmışdır və inkişaf edir. Vyetnamın rəhbərliyi və xalqı ölkələrimizin inkişaf potensialını və onun zəruriliyini əsas tutaraq çalışır ki, Azərbaycan Respublikasının rəhbərliyi və xalqı ilə birlikdə ölkələrimizin xalqlarının mənafeyi naminə bu xoş münasibətlər durmadan möhkəmlənsin və genişlənsin.
Fürsətdən istifadə edib ölkənizə firavanlıq, xalqınıza isə səadət diləyirəm.
Hörmətli cənab Prezident, Sizə möhkəm cansağlığı, xoşbəxtlik, ali dövləti fəaliyyətinizdə böyük uğurlar arzulayıram.
Hörmətlə,

Çıonq TAN ŞANQ Vyetnam Sosialist Respublikasının Prezidenti

***

Hörmətli İlham Heydər oğlu!
Azərbaycanın milli bayramı - Respublika Günü münasibətilə Sizi tatarıstanlılar adından və şəxsən öz adımdan səmimi qəlbdən təbrik edirəm. Sizə və Sizin gözəl ölkənizin bütün sakinlərinə bayram əhval-ruhiyyəsi, cansağlığı, firavanlıq və Azərbaycanın inkişafı naminə ali dövləti fəaliyyətinizdə uğurlar arzulayıram.
Tatarıstanlılar qardaş xalqlarımızın tarixi dostluğunun qədrini bilir və Azərbaycan sakinlərinin bu bayram sevincinə ürəkdən şərik olurlar. İnanırıq ki, biz birgə səylərimizlə Tatarıstan ilə Azərbaycan arasında qarşılıqlı hörmət və etimada əsaslanan əməkdaşlıq ənənələrini bundan sonra da fəal inkişaf etdirəcək, Rusiya-Azərbaycan qarşılıqlı fəaliyyəti çərçivəsində çoxşaxəli əlaqələrin möhkəmlənməsi üçün yeni imkanlar tapacağıq.
Dərin ehtiramla və ən xoş bayram arzuları ilə,

Rüstəm MİNNİXANOV Rusiya Federasiyası Tatarıstan Respublikasının Prezidenti

***

Zati-aliləri!
Ölkənizin milli bayramı - Respublika Günü münasibətilə zati-alinizə ən səmimi təbriklərimi və xoş arzularımı çatdırmaq istərdim.
Sizə möhkəm cansağlığı, Azərbaycan xalqına rifah və xoşbəxt gələcək arzu edirəm.

ANRİ Lüksemburqun Böyük Hersoqu